ឆ្លងច្រើនទៅៗ សហរដ្ឋអាមេរិក ប្រកាសអាសន្នជំងឺអុតស្វា ហើយ!

រដ្ឋាភិបាលសហរដ្ឋអាមេរិក បានប្រកាសថា ការផ្ទុះឡើងនៃជំងឺអុតស្វា គឺជាគ្រាអាសន្នផ្នែកសុខភាពសាធារណៈ បន្ទាប់ពីករណីកើនឡើងច្រើនទៅៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តនេះ នឹងពន្លឿនដល់ការចែកចាយវ៉ាក់សាំង ការព្យាបាល និងធនធានសហព័ន្ធ ដើម្បីទប់ស្កាត់ការរីករាលដាលនៃមេរោគ។

ការប្រកាសនេះ កើតឡើងមិនដល់មួយសប្តាហ៍ផង បន្ទាប់ពីអង្គការសុខភាពពិភពលោក (WHO) ចេញការប្រកាសអាសន្នខ្ពស់បំផុតរបស់ខ្លួន បន្ទាប់ពីករណីឆ្លងជំងឺអុតស្វា កើនឡើងទូទាំងពិភពលោក។

យោងតាមមន្ត្រីសុខាភិបាល, ករណីបានកើនឡើងដល់ ៦៦០០ នៅសហរដ្ឋអាមេរិក។

មួយភាគបួននៃករណីទាំងអស់ បានលេចឡើងនៅក្នុងរដ្ឋញូវយ៉ក ដែលបានប្រកាសភាពអាសន្នដោយខ្លួនឯង អំពីជំងឺនេះ កាលពីសប្តាហ៍មុន។

ចំណែករដ្ឋចំនួនពីរទៀត ដែលមានករណីឆ្លងអុតស្វាខ្ពស់បន្តបន្ទាប់ គឺកាលីហ្វ័រញ៉ា និងអ៊ីលីណយ បានប្រកាសភាពអាសន្នកាលពីដើមសប្តាហ៍នេះ។

ទិន្នន័យពីមជ្ឈមណ្ឌលគ្រប់គ្រង និងបង្ការជំងឺសហរដ្ឋអាមេរិក (CDC) បង្ហាញថា មានករណីឆ្លងច្រើនជាង ២៦ ០០០ ត្រូវបានបញ្ជាក់ទូទាំងពិភពលោកនៅឆ្នាំនេះ៕

ប្រែសម្រួល៖ Vann Vann

ប្រភព៖ BBC

ចុចអាន៖ រដ្ឋអាមេរិកមួយទៀត ប្រកាសអាសន្ន ជំងឺអុតស្វា