កីឡា

៣ប្រកួត រកបាន៣គ្រាប់ ចន្ធាកា កំពុងទទួលបានការចាប់អារម្មណ៍ខ្លាំង

បានផុស

៤ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

ខ្សែប្រយុទ្ធ ចន្ថា ចន្ធាកា របស់ក្លឹបអគ្គិសនីកម្ពុជា កំពុងទទួលបានការចាប់អារម្មណ៍ពីអ្នកគាំទ្រ បន្ទាប់ពីរូបគេលេង៣ប្រកួតចុងក្រោយរកបាន៣គ្រាប់ និងជាប់ឈ្មោះជាកីឡាករឆ្នើមប្រចាំការប្រកួត២ដង ក្នុងពានរង្វាន់សម្តេចតេជោ ហ៊ុន សែន និងលីគទី២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតចុងក្រោយបំផុតកាលពីថ្ងៃទី២៤ ខែសីហា ម្សិលមិញនេះ ម្ចាស់អាវលេខ៧ ចន្ថា ចន្ធាកា បានស៊ុតប៉េណាល់ទីជោគជ័យជួយឲ្យអគ្គិសនីកម្ពុជាតាមស្មើព្រះខ័នរាជស្វាយរៀង ១-១ នៅនាទី៨៧ ក្នុងពានរង្វាន់សម្តេចតេជោ ហ៊ុន សែន ថ្នាក់ជាតិ លើកទី១៦ វគ្គ៨ក្រុមចុងក្រោយ បន្ទាប់ពី សឿយ វិសាល ស៊ុតឲ្យព្រះខ័នរាជស្វាយរៀង នាំមុខ ០-១ នៅនាទីទី៣៦។

នៅក្នុងពានរង្វាន់សម្តេចតេជោ ហ៊ុន សែន ដដែលនេះ ក្នុងវគ្គ១៦ក្រុមចុងក្រោយ ចន្ថា ចន្ធាកា បានស៊ុតចូល១គ្រាប់នៅនាទី៧០ ជួយឲ្យ អគ្គិសនីកម្ពុជា នាំមុខ គិរីវង់សុខសែនជ័យ ០-១ កាលពីថ្ងៃទី១៧ ខែសីហា ប៉ុន្តែគិរីវង់សុខសែនជ័យ តាមស្មើ ១-១ ដោយកីឡាករ លី មស្លីម នៅនាទី៨៣។

យ៉ាងណា សរុបទាំងពីរជើង អគ្គិសនីកម្ពុជា ឈ្នះ ៤-៣ ដើម្បីឡើងមកកាន់វគ្គ៨ក្រុមចុងក្រោយ។ សម្រាប់ការប្រកួតជើងទី២នេះ រូបគេបានជាប់ឈ្មោះជាកីឡាករឆ្នើមប្រចាំការប្រកួត។

កាលពីថ្ងៃទី២១ ខែសីហា កន្លងទៅនេះ ចន្ថា ចន្ធាកា ស៊ុតបាន១គ្រាប់ជួយឲ្យ អគ្គិសនីកម្ពុជា យកឈ្នះក្រុម សូលទីឡូអង្គរ ដោយលទ្ធផល ១-០ ក្នុងសប្តាហ៍ទី១៦ នៃលីគកម្ពុជាទី២។ ការប្រកួតនេះរូបគេបានក្លាយជាកីឡាករឆ្នើមប្រចាំការប្រកួត និងរួមចំណែកជួយឲ្យអគ្គិសនីកម្ពុជាឈរលើកំពូលតារាងដែលមាន៣៨ពិន្ទុ តាមរយៈការប្រកួតឈ្នះ១២ ស្មើ២ និងចាញ់២។

ចន្ថា ចន្ធាកា មានប្រភពចេញពីក្មេងតែងតែលេងបាល់ទាត់តាមដងផ្លូវ និងដើរលេងបាល់ទាត់ជាមួយមិត្តភក្តិតាមភូមិឃុំស្ទើររាល់ថ្ងៃ បើទោះជាថ្ងៃរៀនក៏រូបគេចោលសាលាទៅលេងបាល់ទាត់ដែរ។ មុនពេលទទួលបានឱកាសលេងនៅក្លឹបលក្ខណៈអាជីពអគ្គិសនីកម្ពុជាដើមឆ្នាំ២០២០ រូបគេបានលេងឲ្យក្រុមហ្វូតសាលជាច្រើនដូចជា Down Town, ឱម៉ាល់, មហាកាម្យូរ៉ាជាដើម។ រូបគេក៏ធ្លាប់ជាប់ក្នុងក្រុមហ្វូតសាលជម្រើសកម្ពុជាទៅប្រកួតនៅប្រទេសឥណ្ឌូនេស៊ី៕

អត្ថបទ៖ វីរបុត្រ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា