ព័ត៌មានអន្ដរជាតិ
វត្តនៅខេត្តភាគខាងត្បូង វៀតណាម បើកបង្រៀនភាសាខ្មែរ ឥតគិតថ្លៃ
វត្ត Giong Lon នៅឃុំ Dai An ខេត្ត Tra Vinh (ខេត្តព្រះត្រពាំង) មិនត្រឹមតែជាទីសក្ការគោរពបូជាប៉ុណ្ណោះទេ ប៉ុន្តែទីអារាមនៅខេត្តភាគត្បូងវៀតណាមមួយនេះក៏បានបើកបង្រៀនភាសាខ្មែរដល់អ្នកស្រុក ក៏ដូជាកុមារនៅទីនោះដោយឥតគិតថ្លៃផងដែរ ។
តាមពិតទៅថ្នាក់រៀននៅអគារសិក្សាក្នុងបរិវេណវត្តដែលមានអាយុកាល ៣០០ ឆ្នាំ បានបើកបង្រៀនអស់រយៈពេលជាង ១០ ឆ្នាំមកហើយ ។ មានសិស្សប្រហែល ១០០ នាក់មកពីខេត្ត Tra Vinh សិក្សារយៈពេល ៣ ខែក្នុងមួយឆ្នាំ ខណៈរដ្ឋបាលឃុំ ស្រុក និងខេត្តគឺជាអ្នកចេញវិក្កយបត្រសម្រាប់សៀវភៅសិក្សាទាំងអស់ ។
រយៈពេល ៣ ខែនេះគឺជាពេលវេលាជាមធ្យមដែលកុមារត្រូវចំណាយពេលរៀនអាន និងមូលដ្ឋានគ្រឹះនៃការសរសេរអក្សរខ្មែរ ។ ស្របពេលជាមួយគ្នានេះ ប្រសិនបើអ្នកសិក្សាចង់ចេះស្ទាត់ ការសិក្សានឹងត្រូវចំណាយពេលយ៉ាងហោចណាស់ ៧ ខែ ។
ព្រះតេជគុណ Thach Luyen ជាព្រះសង្ឃបង្រៀនសរសេរនៅវត្ត Giong Lon មានថេរដីកាថា “ការប្រកបពាក្យខ្មែរមិនងាយស្រួលទេ ហើយមនុស្សជាច្រើននៅតែធ្វើខុស ប៉ុន្តែអ្នកសិក្សានៅតែចង់ចេះ និងចាប់អារម្មណ៍ក្នុងការសិក្សា” ។
ដោយឡែកលោក Diep Van Phai អាយុ ៦៦ ឆ្នាំគ្រូបង្រៀនភាសាខ្មែរដោយឥតគិតថ្លៃនៅវត្ត Giong Lon បាននិយាយថា “គាត់ចាប់ផ្ដើមធ្វើជាគ្រូបង្រៀននៅព្រះវិហារមួយនេះនៅអាយុ ២២ ឆ្នាំ ។ ព្រះពុទ្ធសាសនា និងរបៀបរស់នៅតាមបែបព្រះពុទ្ធសាសនា គឺជាមុខវិជ្ជាសំខាន់ដែលគាត់បង្រៀន ខណៈកម្លាំងចិត្តចម្បងរបស់លោកក្នុងរយៈពេលប៉ុន្មានឆ្នាំមកនេះ គឺការប្តេជ្ញាចិត្តក្នុងការថែរក្សាវប្បធម៌ខ្មែរ” ។
ចំណែកសម្រាប់កម្មវិធីសិក្សាភាសាខ្មែរមាន ១២ កម្រិត និងសិក្សា ៩ មុខវិជ្ជាដូចជា វេយ្យាករណ៍បាលី វេយ្យាករណ៍ខ្មែរ ការបកប្រែពីបាលីទៅខ្មែរ អក្សរសាស្ត្រខ្មែរ កំណាព្យខ្មែរ និងមូលដ្ឋានពុទ្ធសាសនាជាដើម ខណៈសិស្សដែលចង់ចូលរៀនត្រូវឆ្លងកាត់ការប្រឡងមុខវិជ្ជាចំនួន ២ គឺអក្សរសាស្ត្រ និងអក្ខរាវិរុទ្ធ ហើយនៅចុងបញ្ចប់នៃវគ្គសិក្សានីមួយៗសិស្សក៏ត្រូវប្រឡងផងដែរ ។
គួរបញ្ជាក់ថា ក្រៅពីការអប់រំផ្នែកសាសនា ឥឡូវនេះខេត្ត Tra Vinh ក៏មានសាលាបាលី-ខ្មែរកម្រិតមធ្យមដែរ ហើយដើម្បីមានលក្ខណៈសម្បត្តិគ្រប់គ្រាន់សម្រាប់ការចុះឈ្មោះរៀន សិស្សត្រូវបញ្ចប់កម្មវិធីអប់រំមធ្យមសិក្សាជាមុនសិន ៕
ប្រែសម្រួលដោយ ៖ ជីវ័ន្ត
ប្រភព ៖ VN Express
ចុចអាន ៖ ដឹងទេប្រទេស អាស៊ាន ណាខ្លះមានទាំងប្រធានាធិបតី និងនាយករដ្ឋមន្ត្រី ក្នុងពេលតែមួយ
នាយកសាលា ហ៊ុន សែន ជម្ពូវ័នហាមដាច់ខាតមិនឱ្យលក់ ឬ ពិសាគ្រឿងស្រវឹងក្នុងពិធីសង្ក្រាន្ត
ក្រសួងសុខាភិបាល ៖ មន្ទីរពេទ្យត្រូវយកចិត្តទុកដាក់កសាងសមត្ថភាពនិងពង្រឹងក្រមសីលធម៌វិជ្ជាជីវៈ
វិថីអាហារដែលមានរចនាបថខ្មែររួមនឹងការបង្ហាញពីវប្បធម៌ប្រពៃណីជាតិ និងលេចរូបរាងចំកណ្តាលក្រុងកំពត
សហជីព ៖ ការកេងចំណេញនយោបាយពីការដំឡើងពន្ធអាមេរិក គឺជាចរិតនយោបាយដ៏ខ្មៅកខ្វក់របស់ក្រុមប្រឆាំង
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ
រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន
លាចាកសិក្ខាបទបាន៩ថ្ងៃ អតីតសង្ឃ ជួន កក្កដា ត្រូវបានតែងតាំងជា អនុរដ្ឋលេខាធិការក្រសួងធម្មការ
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់