ព័ត៌មានជាតិ

ក្រសួងការងារអនុញ្ញាតឲ្យបើកដំណើរការឡើងវិញគ្រឹះស្ថានអប់រំបណ្ដុះបណ្ដាលបច្ចេកទេសនិងវិជ្ជាជីវៈ

បានផុស

៦ years មុន

នៅ

ថ្ងៃអង្គារ ២៩ ធ្នូ ២០២០

ដោយ

ក្រសួងការងារនិងបណ្តុះបណ្តាលវិជ្ជាជីវៈ បានអនុញ្ញាតិឲ្យបើកដំណើរការឡើងវិញគ្រឹះស្ថានអប់រំបណ្ដុះបណ្ដាលបច្ចេកទេសនិងវិជ្ជាជីវៈក្រោមឱវាទក្រសួងទាំងអស់ចាប់ពីថ្ងៃទី២៩ ខែធ្នូ ឆ្នាំ២០២០នេះតទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់ក្រសួងការងារនិងបណ្តុះបណ្តាលវិជ្ជាជីវៈចុះថ្ងៃទី២៩ ខែធ្នូនេះបានឲ្យដឹងថា ការអនុញ្ញាតឲ្យបើកដំណើរការឡើងវិញនេះ បន្ទាប់ពីព្រឹត្តិការណ៍សហគមន៍២៨វិច្ឆិកាបានបិទបញ្ចប់។

ក្រសួងបានបន្តថា «ដោយព្រឹត្តិការណ៍សហគមន៍២៨វិច្ឆិកាបានបិទបញ្ចប់ក្រសួងសម្រេចអនុញ្ញាតឲ្យគ្រឹះស្ថានអប់រំបណ្ដុះបណ្ដាលបច្ចេកទេសនិងវិជ្ជាជីវៈបើកដំណើរការឡើងវិញចាប់ពីថ្ងៃជូនដំណឹងនេះតទៅ»។

ក្រសួងបានបញ្ជាក់ថា ប៉ុន្តែគ្រឹះស្ថាននីមួយៗត្រូវអនុវត្តវិធានការសុខាភិបាលនិងតាមការណែនាំរបស់ក្រសួងការងារនិងបណ្តុះបណ្តាលវិជ្ជាជីវៈដើម្បីចូលរួមទប់ស្កាត់ការឆ្លងជំងឺកូវីដ១៩ជាថាហេតុ ៕

អត្ថបទ ៖ សំអឿន

Related Topics: