ព័ត៌មានអន្ដរជាតិ

ធ្លាក់ឧទ្ធម្ភាគចក្រយោធានៅ ប៉ាគីស្ថាន មនុស្សស្លាប់ទាំងអស់

បានផុស

៤ years មុន

នៅ

ថ្ងៃចន្ទ ២៦ កញ្ញា ២០២២

ដោយ

យោធាប៉ាគីស្ថានបាននិយាយនៅថ្ងៃនេះថា ឧទ្ធម្ភាគចក្រមួយគ្រឿងបានធ្លាក់នៅភាគនិរតីនៃប្រទេស បណ្ដាលឲ្យទាហាននៅលើនោះ រួមទាំងមន្រ្តីពីរនាក់ស្លាប់ទាំងអស់ ដែលនេះជាឧបទ្ទវហេតុឆក់យកជីវិតលើកទីពីរក្នុងរយៈពេលជាងមួយខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧទ្ធម្ភាគចក្រនេះត្រូវបានគេដឹងថា ធ្លាក់នៅជិត Khost ដែលជាទីក្រុងតូចមួយក្នុងខេត្ត Balochistan ជាប់ព្រំដែន អាហ្វហ្គានីស្ថាន និងអ៊ីរ៉ង់។

ស្របពេលនោះដែរ យោធាបាននិយាយនៅក្នុងសេចក្តីថ្លែងការណ៍មួយថា “ឧទ្ធម្ភាគចក្របានធ្លាក់នៅក្នុងបេសកកម្មហោះហើរកាលពីយប់មិញ ដោយមានបុគ្គលិក៦នាក់ រួមទាំងមេទ័ព២នាក់ (អាកាសយានិកទាំងពីរ) បានឱបក្រសោប shahadat (ទុក្ករបុគ្គល) នៅក្នុងការធ្លាក់” នោះផងដែរ។

យ៉ាងណាមិញ មិនមានព័ត៌មានលម្អិតអំពីមូលហេតុនៃការធ្លាក់ ឬប្រភេទយន្តហោះនោះទេ ខណៈតំបន់ដែលឧទ្ធម្ភាគចក្រចុះមក មិនត្រូវបានរងគ្រោះដោយទឹកជំនន់ថ្មីៗនេះទេ។

គួររំឭកដែរថា កាលពីដើមខែសីហា ទាហានប៉ាគីស្ថាន ៦នាក់ រួមទាំងមេបញ្ជាការកំពូលម្នាក់របស់កងទ័ព បានស្លាប់នៅពេលដែលឧទ្ធម្ភាគចក្ររបស់ពួកគេបានធ្លាក់អំឡុងពេលប្រតិបត្តិការជួយសង្គ្រោះមនុស្សដែលរងគ្រោះដោយទឹកជំនន់នៅ Balochistan។ ក្នុងនោះភ្លៀងមូសុង បានបង្កទឹកជំនន់យ៉ាងខ្លាំងនៅប៉ាគីស្ថានក្នុងឆ្នាំនេះ ជាពិសេសក្នុងខេត្ត Sindh និង Balochistan ហើយមនុស្សជាង ៣២៣នាក់បានស្លាប់ ក្នុងចំណោម១,៦០០ នាក់៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖Angelina Jolie ចុះទៅប៉ាគីស្ថានដែលកំពុងជួបគ្រោះមហន្តរាយទឹកជំនន់ធ្ងន់ធ្ងរ

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា