ជីវិតកម្សាន្ដ

Angelina Jolie ចុះទៅប៉ាគីស្ថានដែលកំពុងជួបគ្រោះមហន្តរាយទឹកជំនន់ធ្ងន់ធ្ងរ

បានផុស

១ year មុន

នៅ

ថ្ងៃសុក្រ ២៣ កញ្ញា ២០២២

ដោយ

Blue Sky

តារាហូលីវូដ Angelina Jolie បានធ្វើដំណើរទៅកាន់ប្រទេសប៉ាគីស្ថាន ដែលកំពុងតែជួបគ្រោះមហន្តរាយទឹកជំនន់ធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងស្រីរូបនេះ បានធ្វើដំណើរទៅកាន់ប្រទេសប៉ាគីស្ថាន ជាមួយគណៈកម្មាធិការជួយសង្គ្រោះអន្តរជាតិកាលពីថ្ងៃពុធ ហើយលោកស្រីក៏បាននិយាយជាមួយមន្ត្រីរដ្ឋាភិបាល និងយោធាឆ្លើយតបទៅនឹងគ្រោះមហន្តរាយនេះផងដែរ។

យោងតាមរបាយការណ៍បញ្ជាក់ថាលោកស្រី Angelina Jolie បានជួបអ្នកស្រុកមួយចំនួននៅក្នុងខេត្ត Sindh ភាគខាងត្បូងដែលរងគ្រោះខ្លាំងជាងគេ ខណៈលោកស្រីនិយាយថា “ខ្ញុំបាននិយាយទៅកាន់មនុស្ស ហើយគិតថា ប្រសិនបើជំនួយមិនគ្រប់គ្រាន់ ពួកគេនឹងមានផលលំបាកខ្លាំង។ កុមារច្រើនពេក នឹងមានកង្វះអាហាររូបត្ថម្ភ”។ លោកស្រីក៏កំពុងតែបារម្ភថា នឹងមានការលំបាកបន្ថែមទៀតក្នុងរដូវរងា។ ស្ថានភាពអនាម័យមិនល្អនាបច្ចុប្បន្ន ជាកន្លែងបង្កាត់ពូជនៃជំងឺឆ្លងដូចជាជំងឺគ្រុនចាញ់ និងអាសន្នរោគ។

គួរបញ្ជាក់ថា ប្រទេសប៉ាគីស្ថានបានរងការវាយប្រហារដោយខ្យល់មូសុង ចាប់តាំងពីពាក់កណ្ដាលខែមិថុនា។ មនុស្សជាង១,៥០០នាក់បានស្លាប់ ហើយផ្ទះចំនួន ២ លានខ្នងត្រូវបានបំផ្លិចបំផ្លាញ ហើយទឹកជំនន់នៅតែបន្តកើតមាននៅក្នុងតំបន់ជាច្រើនថែមទៀត៕

ប្រែសម្រួល៖ សាង ស្រីល័ក្ខ

ចុចអាន៖គ្រោះធម្មជាតិធំៗ ៥ ធ្លាប់សម្លាប់មនុស្សអស់ជាច្រើន ក្នុងប្រវត្តិសាស្ត្រ

ចុចអាន៖អ្នកស្លាប់ដោយសារទឹកជំនន់នៅប៉ាគីស្ថាន កើនដល់ ១៥០៨នាក់ (មានវីដេអូ)