ព័ត៌មានជាតិ

លោក សេង ធារិន ជួបសំណេះសំណាលក្រុមកីឡាករក្បាច់គុនកងពលតូចថ្មើរជើងលេខ ៥១

បានផុស

៤ years មុន

នៅ

ថ្ងៃចន្ទ ១០ តុលា ២០២២

ដោយ

លោកឧត្ដមសេនីយ៍ទោ សេង ធារិន នៅថ្ងៃទី ១០ ខែតុលា ឆ្នាំ ២០២២ បានអញ្ជើញសំណេះសំណាល និងផ្តល់ឱវាទដល់ក្រុមកីឡាករ ចំនួន ១១ នាក់ របស់អង្គភាពកងពលតូចថ្មើរជើងលេខ ៥១ យោធភូមិភាគទី ៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ ក្រុមកីឡាករ ត្រៀមទៅហ្វឹកហាត់កីឡាក្បាច់គុន នៅប្រទេសឥណ្ឌូណេស៊ី ចាប់ពីថ្ងៃទី ១២ ខែតុលា ឆ្នាំ ២០២២ ដល់ខែឧសភា ឆ្នាំ ២០២៣ និងវិលត្រឡប់ចូលរួមការប្រកួតដណ្ដើមមេដាយស៊ីហ្គេមលើកទី ៣២ ឆ្នាំ ២០២៣ នៅព្រះរាជាណាចក្រកម្ពុជា ក្នុងវិញ្ញាសាកីឡាបញ្ចាសិលាឆ្នាំ ២០២៣ ជាពិសេសចូលរួមចំណែកផ្សព្វផ្សាយក្បាច់គុនរបស់កងយោធពលខេមរភូមិន្ទ។

លោកឧត្ដមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី ៥ បានធ្វើការកោតសរសើរដល់យោធិនដែលខិតខំពុះពារគ្រប់ឧបសគ្គ ក្នុងការហ្វឹកហាត់ រហូតទទួលការជ្រើសរើសពីសហព័ន្ធគុនល្បុក្កតោកម្ពុជា ទៅបន្តហ្វឹកហាត់នៅបរទេសបន្ថែមទៀត ដែលនេះគឺជាឱកាសមាសសម្រាប់ប្អូនៗ ក្នុងការបញ្ចេញសមត្ថភាព កសាងស្នាដៃ ជូនអង្គភាព និងជាតិមាតុភូមិកម្ពុជារបស់យើង ជាពិសេសត្រូវគោរពរាល់បទបញ្ជាផ្ទៃក្នុង ការណែនាំ និងគោរពច្បាប់នៅប្រទេសគេឲ្យបានល្អ រក្សាបាននូវសេចក្ដីថ្លៃថ្នូរ សក្ដិសមជាយោធិនកងយោធពលខេមរភូមិន្ទ។

ក្នុងឱកាសនោះដែរ លោកឧត្ដមសេនីយ៍ទោ ក៏បានឧបត្ថម្ភថវិកាដល់ក្រុមកីឡាករ ១១ នាក់ និងអ្នកគ្រប់គ្រងចំនួន ១ នាក់។ ក្នុងម្នាក់ៗទទួលបានថវិកា ២០០.០០០ រៀល និងជូនពរឲ្យប្អូនទាំងអស់គ្នាហ្វឹកហាត់ជោគជ័យ ទទួលបានមេដាយគ្រប់ៗគ្នា៕

អត្ថបទ ៖ អ.ពៅ

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា