សន្តិសុខសង្គម
អគ្គិភ័យឆាបឆេះមួយចម្អិនកំពឹស នៅសាលាបង្រៀនកែសម្ផស្ស ក្នុងសង្កាត់និរោធ
ភ្ញាក់ផ្អើលទាំងព្រឹក ដោយសារមានករណីអគ្គិភ័យមួយបានកើតឡើងនៅសាលាបង្រៀនកែសម្ផស្សមួយ ស្ថិតក្នុងភូមិតាងៅ សង្កាត់និរោធ ខណ្ឌច្បារអំពៅ រាជធានីភ្នំពេញ ប្រមាណកន្លះម៉ោង។
តាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅ ឲ្យដឹងថា មានអគ្គិភ័យមួយបានកើតឡើងនៅវេលាម៉ោង ៨ និង ៤០ នាទីព្រឹក ថ្ងៃទី ២ ខែវិច្ឆិកា ត្រង់ចំណុចអគារសាលាបង្រៀនកែសម្ផស្សជាន់ទី ៣ យីហោ ផានីតា ញូវស្តាយ៍ ទីតាំងស្ថិតតាមបណ្ដោយផ្លូវព្រែកបារាំង ភូមិតាងៅ សង្កាត់និរោធ ខណ្ឌច្បារអំពៅ រាជធានីភ្នំពេញ។
លោកអធិការរង បន្តថា មុនពេលកើតហេតុ សិស្សទៅរៀនកែសម្ផស្សដូចរាល់ថ្ងៃ ហើយបានឃើញផ្សែងចេញពីអគារជាន់ទី ៣ ដែលជាបន្ទប់បង្រៀនផ្ទាល់។ ភ្លាមៗនោះ កម្លាំងអាជ្ញាធរ សុំកិច្ចអន្តរាគមន៍ពីរថយន្តពន្លត់អគ្គិភ័យជាបន្តបន្ទាប់ ចំនួន ៩ គ្រឿង មកជួយ ប៉ុន្តែពុំបានបាញ់ទឹកសូម្បីតែមួយរថយន្ត។ ក្នុងនោះ កម្លាំងជំនាញ បានយកបំពង់បាញ់ពន្លត់អស់ ៥ បំពង់ រហូតដល់រលត់។
ដោយឡែក អ្នកបម្រើការនៅសាលា ឲ្យដឹងថា ករណីអគ្គិភ័យនេះ ផ្ដើមចេញពីការសាកថ្មអាគុយកង់(កង់អាគុយ) ដែលសាលាបានដាក់តាំងលក់ ហើយកង់ខ្លះបញ្ចូលនៅជាន់ទី ៣។ ទោះជាយ៉ាងណា ពុំមានមនុស្សម្នាគ្រោះថ្នាក់ឡើយ។ អគ្គិភ័យ បានរលត់ទៅវិញនៅម៉ោង ៩ និង ១០ នាទី ព្រឹកថ្ងៃដដែល៕
អត្ថបទ ៖ នរា
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ