ព័ត៌មានជាតិ

ពលករខ្មែរ អាចកាន់ប័ណ្ណបណ្តោះអាសន្នរស់នៅប្រទេសថៃ រយៈពេល២ឆ្នាំ ក្នុងដំណាក់កាលកូវីដ

បានផុស

៥ years មុន

នៅ

ថ្ងៃអង្គារ ៥ មករា ២០២១

ដោយ

ពលករខ្មែររួមទាំងពលករ ចំណាកស្រុកមកពីប្រទេសនានា ដែលកំពុងបម្រើការងារដោយលួចលាក់គ្មានច្បាប់ នៅក្នុងប្រទេសថៃ កំពុងមានជោគវាសនាវិញហើយ ដោយសារតែប្រទេសថៃ បានសម្រេចចេញច្បាប់អនុញ្ញាតជាបណ្តោះអាសន្ន ដើម្បីចេញប័ណ្ណឲ្យរស់នៅដោយស្របច្បាប់ជាបណ្តោះអាសន្ន នៅក្នុងរយៈពេល ២ ឆ្នាំ ក្នុងគោលបំណងទប់ស្កាត់នូវការរីករាលដាលជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី៤ ខែមករា ម្សិលមិញនេះ រដ្ឋមន្ត្រីក្រសួងការងារថៃ បានប្រកាសជាចំហថា ក្រសួងនឹងចាប់ផ្តើមចេញប័ត្រពណ៌ស៊ីជម្ពូដល់ពលករគ្រប់រូប ដែលរស់នៅក្នុងប្រទេសថៃ គ្មានច្បាប់អនុញ្ញាត ដែលក្នុងនោះមាន កម្ពុជា ភូមា ម៉ាឡេស៊ី និង ឡាវ ដើម្បីឲ្យពួកគាត់បានរស់នៅដោយស្របច្បាប់ជាបណ្តោះអាសន្ន នៅក្នុងរយៈពេល ២ ឆ្នាំ។ លោករដ្ឋមន្ត្រីបានបន្ថែមថា ការ ចេញប័ត្រស៊ីជម្ពូនេះ និងត្រូវអនុវត្តចាប់ពីថ្ងៃទី១៥ ខែមករា ឆ្នាំ២០២១នេះតទៅ ដោយតម្រូវឲ្យម្ចាស់ក្រុមហ៊ុន រោងចក្រ សហគ្រាស និងទីតាំងកសាងនានា ដែលមានពលកររស់នៅដោយមិនស្របច្បាប់ ត្រូវប្រញាប់រួសរាន់បញ្ជូនឈ្មោះមកកាន់ក្រសួងនៅក្នុងរយៈពេល ៩០ ថ្ងៃ ជាកំហិត បើហួសសុពលភាព ក្រសួងនឹងចាត់បញ្ជូនពលករទាំងនោះ ឲ្យវិលត្រឡប់ទៅកាន់មាតុប្រទេសវិញ។

ការអនុវត្តនូវវិធានការថ្មីនេះ គឺក្នុងន័យគ្រប់គ្រងឲ្យបាននូវអត្តសញ្ញាណពលករ និងជាការទប់ស្កាត់នូវជំងឺកូវីដ-១៩ ឲ្យបានផងដែរ ព្រោះជាធម្មតាពលករ ដែលរស់នៅគ្មានច្បាប់អនុញ្ញាត តែងតែធ្វើការបម្លាស់ទីពីកន្លែងមួយ ទៅកន្លែងមួយ ដែលបញ្ហានេះហើយទើបធ្វើឲ្យមានការរីករាលដាលនូវមេរោគកូវីដ១៩ និងមិនអាចដឹងអំពីអត្តសញ្ញាណពលករណាមួយឡើយ ព្រោះបច្ចុប្បន្ននៅក្នុងចំណោមពលករ ដែលចូលទៅធ្វើការនៅក្នុងប្រទេសថៃ សរុបជាង ២ លាន ៦ សែននាក់ គឺពលករដែលគ្មានច្បាប់ មានចាប់ពី ៤ ទៅ ៥ សែននាក់។

ក្រោយពីក្រសួងដាក់ផែនការបែបនេះ គឺវាជាការងាយស្រួលក្នុងការគ្រប់គ្រងអត្តសញ្ញាណពលករបានទាំងអស់ និងមិនមានការរត់គេចពីកន្លែងមួយ ទៅកន្លែងមួយ ដូច្នេះចាប់ពីថ្ងៃចុះហត្ថលេខានេះតទៅ ម្ចាស់ទីតាំងដែលមានពលករមកពីក្រៅប្រទេសរស់នៅ ត្រូវទទួលខុសត្រូវឲ្យបាន និងឆាប់បញ្ជូនឈ្មោះមកឲ្យក្រសួងក្នុងការចេញប័ណ្ណពណ៌ស៊ីជម្ពូ ដើម្បីឲ្យពួកគាត់បានរស់នៅ ដោយស្របច្បាប់រយៈពេល ២ ឆ្នាំ៕

អត្ថបទ៖ សោ និយមរ័ត្ន

Related Topics:ពលករខ្មែរ

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា