ជីវិតកម្សាន្ដ

Rosé បង្ហាញក្តីស្រមៃចង់សហការជាមួយតារាអាមេរិកមួយដួង

បានផុស

៣ years មុន

នៅ

ថ្ងៃអាទិត្យ ៤ ធ្នូ ២០២២

ដោយ

ថ្មីៗនេះ Rosé សមាជិកក្រុម BLACKPINK បានបង្ហាញខ្លួននៅលើទស្សនាវដ្តី Vogue Hong Kong និងបានប្រាប់អំពីក្តីស្រមៃ ក៏ដូចជាបំណងប្រាថ្នានាពេលអនាគតចង់សហការជាមួយតារាចម្រៀងសហរដ្ឋអាមេរិក Beyoncé ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចសម្ភាសន៍ជាមួយទស្សនាវដ្តី Vogue Hong Kong, Rosé បាននិយាយអំពីរឿងរ៉ាវដ៏គួរឲ្យចាប់អារម្មណ៍ និងមហិច្ឆតាជាច្រើន ហើយក្នុងនោះក៏មានសំណួរមួយបានសួរទៅកាន់តារាស្រីរូបនេះផងដែរថា “BLACKPINK បានសហការជាមួយកំពូលតារាជាច្រើនដូចជា Dua Lipa, Lady Gaga, Selena Gomez និង Cardi B ជាដើម ដូច្នេះតើមានសិល្បករណាផ្សេងទៀតទេដែលអ្នកស្រមៃចង់សហការជាមួយ?” ។

ទាក់ទងនឹងសំណួរនេះ Rosé បានឆ្លើយថា “ខ្ញុំគិតថា ការសហការបែបនេះតែងតែអាចបង្កើតការរួមគ្នាដ៏ល្អឥតខ្ចោះ ។ មិនថាតន្ត្រី ឬទិដ្ឋភាពផ្សេងទៀតនោះទេ វាសុទ្ធតែជាឱកាសសម្រាប់ខ្ញុំដើម្បីរៀនអ្វីជាច្រើន ។ តាមពិតទៅ សិល្បករដែលខ្ញុំកោតសរសើរតាំងពីខ្ញុំនៅក្មេងនោះគឺ Beyoncé ហើយក៏ស្រមៃចង់សហការជាមួយតារារូបនេះផងដែរ ។

នាងបានបន្តទៀតថា” មុនពេលខ្ញុំក្លាយជាអ្នកចម្រៀង ខ្ញុំបានមើលភាពយន្តរបស់ Beyoncé ហើយចាប់ផ្តើមគិតថា ‘ខ្ញុំចង់ក្លាយជាបែបនេះ’ ដូច្នេះខ្ញុំបានហាត់ព្យាណូយ៉ាងខ្លាំង ។ ជាសំណាងល្អខ្ញុំអាចចូលរួមព្រឹត្តិការណ៍មួយជាមួយ Beyoncé ខណៈដែលយើងជាទូតសុច្ឆន្របស់ Tiffany ។ វាជាកិត្តិយសដ៏ធំធេង!” ។

Rosé បានបន្ថែមទៀតថា “ខ្ញុំសង្ឃឹមថាយើងនឹងមានការសហការគួរឲ្យចាប់អារម្មណ៍ជាមួយគ្នានាពេលអនាគត ។ ជាពិសេស សម្រាប់ខ្ញុំ ខ្ញុំពិតជាចង់ច្រៀងជាមួយ Beyoncé ណាស់ បើសិនជាមានឱកាស” ។

គួរបញ្ជាក់ថា Rosé សមាជិកក្រុម BLACKPINK និងតារាចម្រៀង Beyoncé គឺសុទ្ធតែជាទូតសុច្ឆន្ទៈឲ្យគ្រឿងអលង្ការប្រណីតម៉ាក Tiffany&Co ហើយនៅក្នុងព្រឹត្តិការណ៍នៃម៉ាកគ្រឿងអលង្ការនោះ អ្នកទាំងពីរក៏បានជួបគ្នាជាដំបូងផងដែរ ហើយក៏បានពិភាក្សាអំពីបំណងចង់ធ្វើការជាមួយគ្នាផងដែរ ៕

ប្រែសម្រួល ៖ នាងតូច

ចុចអាន ៖ BTS និងតារាជាច្រើនទៀតអបអរជ័យជម្នះដ៏គួរឲ្យភ្ញាក់ផ្អើលក្រុមកូរ៉េនៅ World Cup