ជីវិតកម្សាន្ដ

BTS និងតារាជាច្រើនទៀតអបអរជ័យជម្នះដ៏គួរឲ្យភ្ញាក់ផ្អើលក្រុមកូរ៉េនៅ World Cup

បានផុស

២ ខែ មុន

នៅ

ថ្ងៃអាទិត្យ ៤ ធ្នូ ២០២២

ដោយ

ក្រុមតារាចម្រៀង BTS និងតារាកូរ៉េជាច្រើនរូបទៀតបានបង្ហាញពីភាពសប្បាយរីករាយរបស់ពួកគេ នៅពេលដែលក្រុមបាល់ទាត់ជម្រើសជាតិកូរ៉េខាងត្បូងទទួលបានជ័យជម្នះដ៏គួរឲ្យភ្ញាក់ផ្អើលលើប្រទេសព័រទុយហ្គាល់ក្នុងលទ្ធផល ២-១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងរាត្រីដ៏អស្ចារ្យនោះមានវត្តមានតារាចម្រៀង J-Hope សមាជិក BTS បានបង្ហាញពីអារម្មណ៍រំភើបរបស់លោក ជាមួយបទចម្រៀង World Cup គឺបទ Dreamers ដែលសំដែងដោយសមាជិកក្មេងជាងគេគឺ Jung Kook ។ ក្នុងនោះសមាជិក Suga និង RM ដែលជាមេក្រុមក៏បានអបអរសាទរក្រុមបាល់ទាត់ជម្រើសជាតិកូរ៉េចំពោះជ័យជម្នះនេះផងដែរ ។

ជាមួយគ្នានេះដែរ តារាចម្រៀង Yoona នៃសមាជិកក្រុម SNSD និងតារាសម្ដែង Lee Joongi ទាំងពីរនាក់បានប្រើប្រាស់បទចម្រៀង “Dreamers” របស់ Jung Kook នៅលើ Instagram story ដើម្បីអបអរសាទរជ័យជម្នះរបស់ក្រុមបាល់ទាត់ជម្រើសជាតិកូរ៉េ ខណៈ Park Woo Jin នៃសមាជិកក្រុម AB6IX ក៏បានថតវីដេអូអបអរសាទរផងដែរ ។

ទន្ទឹមនឹងនេះ តារាចម្រៀង និងជាតារាសម្តែង Seolhyun បានចែករំលែកនៅលើទំព័រផ្ទាល់ខ្លួនរបស់នាងផងដែរ ដោយបានសរសេរអមដោយរូបថតពាក់អាវលេខ ១១ របស់ Hwang Hee Chan ថា “ខ្ញុំដឹងថា កីឡាករ Hee Chan នឹងធ្វើវាបាន ។ សូមអបអរសាទរជ័យជម្នះរបស់កូរ៉េលើព័រទុយហ្គាល់” ។

យ៉ាងណមិញ ប្រធានក្រុមដឹកនាំក្រុមបាល់ទាត់ជម្រើសជាតិកូរ៉េកីឡាកេ Son Heung Min បានអាប់ដេតនៅលើគេហទំព័រផ្ទាល់ខ្លួនរបស់លោកផងដែរ បន្ទាប់ពីការទទួលជ័យជម្នះលើក្រុមព័រទុយហ្គាល់ថា “ពួកយើងមិនចុះចាញ់ ហើយអ្នកទាំងអស់គ្នាក៏មិនបោះបង់ពួកយើងដែរ ។ សាធារណរដ្ឋកូរ៉េ យើងស្រឡាញ់អ្នកទាំងអស់គ្នា!” ៕

ប្រែសម្រួល ៖ នាងតូច

ចុចអាន ៖ មកដឹងប្រាក់ចំណូល និងទ្រព្យសម្បត្តិរបស់កីឡាករ Son Heung-min