ព័ត៌មានអន្ដរជាតិ

រុស្ស៊ី ថា លោក Zelensky ដឹងច្បាស់ ពីរបៀបបញ្ចប់ជម្លោះអ៊ុយក្រែន (មានវីដេអូ)

បានផុស

៣ years មុន

នៅ

ថ្ងៃសុក្រ ៩ ធ្នូ ២០២២

ដោយ

អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ទី០៨ខែធ្នូថា ប្រធានាធិបតីអ៊ុយក្រែន លោក Vladimir Zelensky ដឹងថា ប្រសិនបើគាត់ចង់បាន ការប្រយុទ្ធគ្នារវាងទីក្រុងមូស្គូ និងទីក្រុងកៀវ អាចបញ្ចប់នៅពេលណាក៏បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបទៅនឹងការព្យាករនាពេលថ្មីៗរបស់ប្រធានាធិបតីអ៊ុយក្រែនដែលថា ជម្លោះអាចនឹងបញ្ចប់នៅឆ្នាំក្រោយ លោក Peskov និយាយថា “អ្នកអាចនិយាយអំពីពេលវេលា ដែលរឿងទាំងអស់នេះនឹងបញ្ចប់។ លោក Zelensky ដឹងថាអ្វីៗទាំងអស់អាចបញ្ចប់នៅពេលណាក៏បាន វាអាចបញ្ចប់នៅថ្ងៃស្អែកប្រសិនបើគាត់ចង់”។

នៅក្នុងបទសម្ភាសន៍ថ្មីៗជាមួយកាសែត Politico លោក Zelensky បានលើកឡើងថា អ៊ុយក្រែន នឹងមានឥទ្ធិពលបំផុតនៅឆ្នាំក្រោយ ប៉ុន្តែវាអាចទៅរួចក្នុងពេលមានសន្តិភាព។

ប្រធានាធិបតីអ៊ុយក្រែន លោក Vladimir Zelensky

ទន្ទឹមនឹងនេះដែរ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃពុធថា ប្រតិបត្តិការយោធារបស់ទីក្រុងមូស្គូក្នុងប្រទេសអ៊ុយក្រែន អាចប្រែទៅជាដំណើរការដ៏វែងឆ្ងាយ ពីព្រោះការសម្រេចបាននូវគោលបំណងទាំងអស់របស់រុស្ស៊ី អាចចំណាយពេលយូរបន្តិច។

មេដឹកនាំរុស្ស៊ីក៏បាននិយាយផងដែរថា វាជារឿងខុស ក្នុងការនិយាយអំពីពេលវេលានៃប្រតិបត្តិការពិសេស ឬការព្យាយាមកែតម្រូវវា។ លោកកត់សម្គាល់ថា វាមិនអាចកំណត់កាលបរិច្ឆេទជាក់លាក់សម្រាប់ពេលវេលាដែលជម្លោះអាចបញ្ចប់បាននោះទេ ព្រោះការប្រយុទ្ធគ្នានៅតែមានភាពតានតឹង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ លោក Zelensky ជាប់ឈ្មោះជាបុគ្គលប្រចាំឆ្នាំ២០២២ របស់ទស្សនាវដ្ដី Time