សត្វអាក្រក់ៗ ១០ ប្រភេទ នៅក្នុងមហាសមុទ្រមិនសូវមានអ្នកស្គាល់

តំបន់សមុទ្រជាទិសដៅដើរលេងសម្រាប់មនុស្សជាច្រើនរូប ដោយសារតែទេសភាពនិងទឹកដ៏ធំស្រឡះគួរឲ្យចង់ហែល។ បន្ទាប់ពីមើលអត្ថបទនេះចប់ ធានាថាលែងចង់លេងទឹកសមុទ្រដ៏ខៀវស្រងាត់ដូចមុនទៀតហើយ៖

១. ត្រីក្បាល Sarcastic fringe

វាមានអត្តចរិតឆេវឆាវ និងចូលចិត្តថើមសត្រូវ គួរឲ្យចង់សើចមែន? មើលមុខវាសិនទៅ

ត្រីនេះការពារទឹកដីខ្លាំងណាស់ វានៅគ្រប់កន្លៀតដែលអាចនៅបានក្នុងជម្រៅពី៣ទៅ៥ម៉ែត្រនៃសមុទ្រ។

២. ជន្លេន Zombie 

ជន្លេនញីបឺតជញ្ជក់ឆ្អឹងនៅក្នុងទឹកសមុទ្រ ចំណែកឯជន្លេនឈ្មោលរស់នៅក្នុងជន្លេនញី។ អ្នកប្រហែលគ្មានសំណាងបានឃើញវាផ្ទាល់ទេ ព្រោះពួកវារស់នៅបាតសមុទ្រជម្រៅរាប់គីឡូម៉ែត្រឯណោះ។

៣. ជន្លេន Bobbit 

ជន្លេន Bobbit មានរាងកាយមុតៗ វាទាញចំណីរបស់វាលឿនណាស់ ប៉ុន្តែមិនគ្រោះថ្នាក់ដល់មនុស្សទេកុំឲ្យតែជាន់វាដឹងតែឈាមជើងមិនខាន។

៤. មឹកយក្ស

មិនមែនក្នុងរឿងទេណា! មឹកយក្សពិតជាមានមែន វាមានកម្ពស់ដល់ទៅ ៥៩ហ្វីត និងទម្ងន់ជិត ១តោន។ កាលពីឆ្នាំ ២០០៤ ជនជាតិជប៉ុនថតបានរូបវាប៉ុន្មានសន្លឹកដែរ ពីរឆ្នាំក្រោយមកគេចាប់បានវាតែម្ដង។

៥. ត្រីឆ្លាម Goblin 

ត្រីឆ្លាម Goblin រស់នៅក្បែរផ្ទៃសមុទ្រជម្រៅប្រហែល ១,៣០០ម៉ែត្រ។ វាមានប្រវែងដល់ទៅ ៣ម៉ែត្រ និងល្បឿន ៣ម៉ែត្រក្នុងមួយវិនាទី បើជួបវាដឹងតែចប់ហើយ។

៦. ខ្ញែរសមុទ្រ ប្រអប់អូស្ត្រាលី (Australian box jellyfish)

ខ្ញែរសមុទ្រប្រភេទនេះជាខ្ញែរកាចជាងគេបំផុត វាអាចធ្វើឲ្យអ្នកសន្លប់ គាំងបេះដូង និងស្លាប់មួយរំពេច លើសពីនេះវាចេះដេញទៀត។

៧. ត្រី Barreleye 

ត្រីនេះមានពន្លឺតិចៗសម្រាប់ស្វែងរកចំណី ព្រោះវារស់នៅកន្លែងងងឹតបំផុតនៃសមុទ្រ។

៨. ត្រី Blob

តាមបណ្ដាញសង្គមអ៉ីធឺណែតនាំគ្នាបង្អាប់ថាវាជាត្រីអាក្រក់បំផុត ការពិតវាអាក្រក់តែនៅលើគោកទេ។ ដោយសារតែវាជាត្រីដែលរស់នៅទឹកជម្រៅជ្រៅខ្លាំង (៦០០ទៅ១២០០ម៉ែត្រ) ដូច្នេះពេលផ្លាស់ប្ដូរសម្ពាធធ្វើឲ្យវាខូចទ្រង់ទ្រាយបែបនេះទៅ។

៩. Chimaera

មើលទៅដូចគេដេរត្រីផ្សេងៗជាប់គ្នាបង្កើតជាត្រីថ្មី។

១០. មឹកបិសាចជញ្ជក់ឈាម 

វានៅលើផែនដីនេះមុនជំនាន់ដាយណូស័រទៀត ដោយឡែកភ្នែកវាមានពណ៌ខៀវ ដៃ៨ និងមិនផឹកឈាមទេ គ្រាន់តែបានឈ្មោះមកពីស្បែករបស់វា។ 

មិនទាន់អស់នៅឡើយទេ ទឹកសមុទ្រមានផ្ទៃក្រឡាធំជាងដីគោករាប់សិបដងមានន័យថា នៅមានសត្វរាប់លានប្រភេទដ៏គួរឲ្យញញើតច្រើនទៀតរង់ចាំការស្រាវជ្រាវពីមនុស្ស៕

ប្រែសម្រួលដោយ៖ វារី

ចុចអាន៖ មករំលឹកពីសត្វស្វាសមុទ្រ ក្មេងៗកាលពីជំនាន់ ៩០ ចូលចិត្តលេង

ចុចអាន៖ សត្វល្អិតសមុទ្រមួយប្រភេទ មានរាងដូចទេពអប្សរ