វៀតណាម រកឃើញប្រភេទសត្វល្មូនថ្មី

ក្រុមអ្នកស្រាវជ្រាវវៀតណាម និងអាល្លឺម៉ង់បានរកឃើញសត្វល្មូនថ្មីមួយប្រភេទ នៅខេត្តកនទុម ស្ថិតនៅតំបន់ខ្ពង់រាបកណ្ដាលនៃប្រទេសវៀតណាម ។

សត្វល្មូនថ្មីនេះមានឈ្មោះថា Tylototriton ngoclinhensis ត្រូវបានរកឃើញនៅក្នុងឧទ្យានធម្មជាតិ Ngoc Linh កាលពីចុងខែឧសភា ដោយអ្នកស្រាវជ្រាវ ៩ នាក់ ។

យោងតាមការសិក្សាបានឲ្យដឹងថា Tylototriton ngoclinhensis មានប្រវែងជាមធ្យមពី ៦០.៨ ដល់ ៦៦.៥ មិល្លីម៉ែត្រ ខណៈជម្រកនៃប្រភេទសត្វល្មូននេះគឺ នៅលើភ្នំ Ngoc Linh ដែលជាព្រៃស្លឹកបៃតង មានកម្ពស់ពី ១,៨០០ ទៅ ២,៣០០ ម៉ែត្រ លើនីវ៉ូទឹកសមុទ្រ ។

អ្នកស្រាវជ្រាវឈ្មោះ Phung My Trung បាននិយាយថា គេរកឃើញសត្វល្មូនថ្មីចំនួន ៦ ប្រភេទ ហើយពួកវាសុទ្ធតែរស់នៅភាគខាងជើងនៃខេត្ត Nghe An ទាំងអស់ ។

លើសពីនេះ អ្នកស្រាវជ្រាវក៏ស្នើសុំឲ្យចាត់ទុកប្រភេទល្មូនថ្មីនេះជា សត្វជិតផុតពូជនៅក្នុងបញ្ជី IUCN ផងដែរ ដើម្បីការពារសត្វកម្រខាងលើ ៕

ប្រែសម្រួល៖ វារី

ប្រភព៖ vnexpress

ចុចអាន៖ កម្រឃើញ សត្វ ៧ ប្រភេទមានពណ៌ផ្កាឈូក គួរជាទីប្លែកភ្នែក