កីឡា
សឿយ វិសាល មុនជួបហ្វីលីពីនស្អែក ៖ «យើងឥលូវកំពុងមានទំនុកចិត្តខ្លាំងជាងមុន…»
ក្រុមបាល់ទាត់ជម្រើសជាតិកម្ពុជា នឹងត្រូវប្រកួតបើកឆាកពានរង្វាន់ជើងឯកអាស៊ីអាគ្នេយ៍ (AFF Mitsubishi Electric Cup) ជាមួយ ក្រុមជម្រើសជាតិហ្វីលីពីន នាល្ងាចថ្ងៃទី ២០ ខែធ្នូ ឆ្នាំ ២០២២ ស្អែកនេះ ខណៈសមាជិកក្រុមព្រះខ័នរាជស្វាយរៀង និងជាប្រធានក្រុមជម្រើសជាតិ កីឡាករ សឿយ វិសាល បានចេញមកបញ្ជាក់ថា «យើងឥលូវកំពុងមានទំនុកចិត្តខ្លាំងជាងមុន…»។
ថ្លែងក្នុងសន្និសីទសារព័ត៌មានមុនការប្រកួតមកដល់ សឿយ វិសាល បាននិយាយដូច្នេះថា «ខ្ញុំមានអារម្មណ៍រីករាយ ហើយក្រុមទាំងមូលដែលបានមានឱកាសសម្រាប់ការប្រកួតនៅថ្ងៃស្អែក សម្រាប់ការត្រៀមខ្លួនរបស់ពួកយើងទាំងអស់គ្នា ពួកយើងបានត្រៀមខ្លួនរួចជាស្រេចហើយ ហើយពួកយើងក៏ប្ដេជ្ញាចិត្តប្រឹងប្រែងលេងឲ្យអស់ពីសមត្ថភាព និងប្រឹងប្រែងរកផលវិជ្ជមានមួយ ដើម្បីជូនក្រុមរបស់ពួកយើង ហើយនឹងអ្នកគាំទ្ររបស់ពួកយើងទូទាំងប្រទេស»។
និយាយពីផលវិជ្ជមានដែលជាចំណុចគោលដៅត្រូវប្រើប្រាស់សម្រាប់ការប្រកួត ប្រធានក្រុមព្រះខ័នរាជស្វាយរៀងរូបនេះបានឲ្យដឹងថា «យើងទាំងអស់គ្នាបានដឹងហើយ ពេលដែលយើងទៅប្រកួតនៅម៉ាឡេស៊ី យើងធ្វើមិនសូវបានល្អទេ នៅពេលដែលយើងត្រលប់មកវិញ ពួកយើងមានអារម្មណ៍ថាប្រមូលអារម្មណ៍ហ្វឹកហាត់ ហើយនឹងរបៀបលេងរបស់ពួកយើងកាន់តែល្អជាងមុន ហើយគោលដៅដែលគ្រូគាត់ដាក់ឲ្យពួកយើងបានធ្វើល្អ ហើយពួកយើងជឿជាក់ថាថ្ងៃស្អែកនេះយើងនឹងរកផលវិជ្ជមានបាន យើងឥលូវកំពុងមានទំនុកចិត្តខ្លាំងជាងមុន និងមុនយើងទៅប្រកួតនៅម៉ាឡេស៊ី»។
«យើងគិតថាកីឡាករហ្វីលីពីន ពួកគេមានមាឌធំ ហើយយើងក៏មានតាក់ទិចសម្រាប់លេងជាមួយនឹងពួកគេ នេះគឺជាអ្វីដែលយើងជឿជាក់លើក្រុមរបស់ពួកយើង ច្បាស់ហើយថាពួកយើងរួចរាល់រួចជាស្រេចសម្រាប់ការប្រកួតនៅថ្ងៃស្អែកនេះ»។ កីឡាករវ័យ ២៧ ឆ្នាំរូបនេះ បានសង្កត់ធ្ងន់។
សូមបញ្ជាក់ថា ការប្រកួតរវាង កម្ពុជា ជាមួយ ហ្វីលីពីន នាវេលាម៉ោង ៥ ល្ងាច ថ្ងៃទី ២០ ខែធ្នូ ឆ្នាំ ២០២២ នៅពហុកីឡដ្ឋានជាតិមរតកតេជោ៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ