កីឡា
រឿងសំខាន់ ៣ ដែល កម្ពុជា ធ្វើបាន ក្រោយយកឈ្នះ ហ្វីលីពីន ក្នុងពាន AFF Cup យប់មិញ
ក្រុមបាល់ទាត់ជម្រើសជាតិកម្ពុជា បានយកឈ្នះ ក្រុមជម្រើសជាតិហ្វីលីពីន ដោយលទ្ធផល ៣-២ ក្នុងជំនួបបើកពូល នៃពូល A ពានរង្វាន់ជើងឯកប្រចាំតំបន់អាស៊ីអាគ្នេយ៍ (AFF Mitushibishi Electric Cup) ឆ្នាំ ២០២២ នាពហុកីឡដ្ឋានជាតិមរតកតេជោ។
ក្នុងរាត្រីប្រវត្តិសាស្ត្រមួយសម្រាប់បាល់ទាត់កម្ពុជា វាជាការរកគ្រាប់បាល់បាន ២ គ្រាប់ ពីកីឡាករជើងចាស់ រ៊ឹង ប៊ុនហៀង ដែលទាំងគ្រាប់ដំបូង និងគ្រាប់ចុងក្រោយ ដោយការស៊ុតបន្ថែមពី អ៊ន ច័ន្ទប៉ូលីន គ្រប់គ្រាន់ ដើម្បីយកឈ្នះក្រុមហ្វីលីពីន ដែលរកគ្រាប់បាល់ទាំង ២ គ្រាប់ ដោយកីឡាករ Kenshiro Daniels។
ជាមួយនឹងជ័យជម្នះនេះផងដែរ កម្ពុជា បានបង្កើតរឿងសំខាន់ៗមួយចំនួន ដើម្បីកត់ចូលទៅក្នុងប្រវត្តិសាស្ត្របាល់ទាត់ក្នុងអាស៊ីអាគ្នេយ៍ ក៏ដូចជានិយាយក្រៅពីបាល់ទាត់ក្នុងអាស៊ីអាគ្នេយ៍។
ទី១ ៖ ជ័យជម្នះប្រកួតទី ១ គឺជាការឈ្នះក្នុងជំនួបបើកឆាកសម្រាប់កម្ពុជា ជាលើកដំបូងក្នុងវគ្គចែកពូល ចាប់តាំងពីបានចូលរួមពានរង្វាន់នេះនៅឆ្នាំ ១៩៩៦។
កម្ពុជា បានលេងវគ្គចែកពូលចំនួន ៩ ដង ក្នុងចំណោម ១៤ ដង ក្នុងនោះមិនដែលរកពិន្ទុបាននៅប្រកួតដំបូង នៃវគ្គចែកពូលឡើយ ជាទូទៅប្រកួតទី ៣ ជាប្រកួតដែលកម្ពុជា រកពិន្ទុបានលើកដំបូង។
ទី២ ៖ ជាការឈ្នះជាលើកទី ៥ ក្នុងពានរង្វាន់នេះ កម្ពុជាឈ្នះលើកដំបូងនៅក្នុងឆ្នាំ ២០០០ (កាលនោះឈ្នះ ឡាវ ៣-០) ក្រោយមកឈ្នះនៅឆ្នាំ ២០០២ (កាលនោះឈ្នះ ហ្វីលីពីន ១-០) បន្ទាប់មកលើកទី ៣ នៅឆ្នាំ ២០១៨ (កាលនោះឈ្នះ ឡាវ ៣-១) និងលើកទី ៤ ឈ្នះឡាវ នៅឆ្នាំ ២០២០ កន្លងទៅថ្មីៗ និងលើកទី ៥ កាលពីយប់មិញ។
ទី៣ ៖ ការត្រលប់មកយកឈ្នះហ្វីលីពីន ជាលើកដំបូងក្រោយខកខានយកឈ្នះរយៈពេល ២០ ឆ្នាំគត់ ពោលគឺតាំងពីឆ្នាំ ២០០២ ដែលកម្ពុជា បានយកឈ្នះ ១-០ ក្នុងពានរង្វាន់ដូចគ្នា។
គួរបញ្ជាក់ថា កម្ពុជា នៅសល់ ៣ ប្រកួតទៀតក្នុងពានរង្វាន់នេះ ដោយនៅថ្ងៃទី ២៣ ខែធ្នូ ត្រូវជួបម្ចាស់ផ្ទះឥណ្ឌូណេស៊ី បន្ទាប់មកថ្ងៃទី ២៩ ទទួលព្រុយណេ ក្នុងដីវិញម្ដង និងចុងក្រោយនៅថ្ងៃទី ០២ ខែមករា ឆ្នាំ ២០២៣ ត្រូវជួបថៃ នៅទីក្រុងបាងកក៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ