កីឡា
លោក Honda ប្រតិកម្ម ក្រោយគ្រូជម្រើសជាតិជប៉ុន ត្រូវបន្តកុងត្រាដល់ World Cup 2026
សមាគមកីឡាបាល់ទាត់ជប៉ុន បានសម្រេចកាលពីថ្ងៃពុធ ដើម្បីរក្សា លោក Hajime Moriyasu ជាអ្នកចាត់ការទូទៅក្រុមជម្រើសជាតិ បន្ទាប់ពីបានដឹកនាំក្រុម ទៅវគ្គ ១៦ ក្រុមចុងក្រោយ ក្នុងព្រឹត្តិការណ៍ World Cup ឆ្នាំនេះ នៅប្រទេសកាតា។
បុរសវ័យ ៥៤ ឆ្នាំរូបនេះ នឹងទទួលភារកិច្ចដឹកនាំក្រុមដាវសាម៉ូរៃ ‘Samurai Blue’ ឆ្ពោះទៅកាន់ការប្រកួតបាល់ទាត់ពិភពលោក ឆ្នាំ ២០២៦ ដែលត្រូវធ្វើជាម្ចាស់ផ្ទះរួមគ្នាដោយសហរដ្ឋអាមេរិក ម៉ិកស៊ិក និងកាណាដា។
ការតែងតាំងរបស់លោកឡើងវិញនេះគឺជាលើកទី ១ ហើយ ដែលគ្រូបង្វឹកជប៉ុននៅតែកាន់តំណែងបន្ទាប់ពីការប្រកួត World Cup បន្ត ចាប់តាំងពីការប្រកួតលើកដំបូងរបស់ប្រទេសនេះក្នុងឆ្នាំ ១៩៩៨ នៅប្រទេសបារាំង។
ក្រោយការសម្រេចបន្តតែងតាំងនេះ លោក Keisuke Honda ដែលជាអ្នកចាត់ការទូទៅ នៃក្រុមជម្រើសជាតិកម្ពុជា ក៏បានបញ្ចេញប្រតិកម្មផងដែរ តាមរយៈការបង្ហោះនៅលើគណនី Twitter។ លោកបានសរសេរថា ៖ «គ្រូបង្វឹកក្រុមជម្រើសជាតិជប៉ុនបន្ត។ មែនហើយ មិនមានការភ្ញាក់ផ្អើលនៅទីនោះទេ»។
គួររំលឹកដែរថា លោក Honda ធ្លាប់ធ្វើការជាមួយ លោក Hajime Moriyasu (កាលនោះលោកជាគ្រូជំនួយ) នៅក្រុមជម្រើសជាតិ កាលពី World Cup 2018 នៅប្រទេសរុស្ស៊ី ជាទីដែល Honda ប្រកួត World Cup ចុងក្រោយរបស់គេ។
ប្រឈមមុខនឹងការចាត់តាំងការប្រកួត World Cup ដ៏លំបាកបំផុតមិនធ្លាប់មានរបស់ពួកគេ ជប៉ុនបានបញ្ចប់ដោយនៅកំពូល នៃពូល E ក្នុងប្រទេសកាតា ដោយបានកត់ត្រាជ័យជម្នះដ៏គួរឲ្យរំភើបលើក្រុមយក្សអាល្លឺម៉ង់ និងអេស្បាញ ក្រោយចាញ់ដ៏ខកចិត្តក្រោមថ្វីជើង កូស្តារីកា។
ខណៈពេលដែលការប្រកួតរបស់ជប៉ុនបានបញ្ចប់ដោយការស៊ុតបាល់ប៉េណាល់ទីដ៏ខកចិត្ត ទល់នឹងក្រូអាត ក្នុងវគ្គ ១៦ ក្រុមចុងក្រោយ សមត្ថភាពរបស់ Moriyasu ក្នុងការនាំក្រុមរួមជាក្រុមត្រូវបានវាយតម្លៃខ្ពស់ដោយ JFA។
អតីតខ្សែបម្រើជម្រើសជាតិជប៉ុន Moriyasu បានឈ្នះពានរង្វាន់ J-League ចំនួន ៣ ក្នុងនាមជាអ្នកចាត់ការ Sanfrecce Hiroshima។ លោកបានគ្រងតំណែង នៃក្រុម Samurai Blue បន្ទាប់ពីការប្រកួត World Cup 2018 ដោយគ្រប់គ្រងពួកគេក្នុងពេលដំណាលគ្នាជាមួយនឹងក្រុមអូឡាំពិក របស់ជប៉ុន៕
ប្រភព ៖ japantimes.co.jp
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ