កីឡា

កីឡាករខ្មែរ-អាមេរិក Nick Taylor ប្រាប់ថា នៅតែកំពុងរកក្លឹបថ្មី

បានផុស

៣ years មុន

នៅ

ថ្ងៃអង្គារ ២៤ មករា ២០២៣

ដោយ

កីឡាករបាល់ទាត់ជម្រើសជាតិកម្ពុជាខ្មែរ-អាមេរិក Nick Taylor នៅតែកំពុងស្វែងរកក្លឹបថ្មីលេងសម្រាប់រដូវកាលថ្មី បន្ទាប់ពីរូបគេបានប្រកាសពីការចាកចេញពីក្លឹប Orlando City B នៅសហរដ្ឋអាមេរិក ហើយក៏មានព័ត៌មានលេចឡើងជាច្រើនពីភាគរយខ្ពស់ក្នុងការចូលក្លឹបនៅប្រទេសកម្ពុជា។

យប់មិញនេះ កីឡាករជម្រើសជាតិកម្ពុជា Nick Taylor បានសរសេរបង្ហោះជា Story លើផេករបស់ខ្លួនថា ៖«ខ្ញុំនៅតែកំពុងស្វះស្វែងរកគ្រប់ជម្រើសទាំងអស់សម្រាប់ក្លឹបដែលខ្ញុំនឹងលេងនាពេលខាងមុខ ហើយខ្ញុំនឹងផ្តល់ព័ត៌មានឲ្យលោកអ្នកបានដឹងនៅពេលវេលាមកដល់»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពីរថ្ងៃមុន Nick បានអរគុណដល់ទីក្រុង (Orlando City) ដែលបានផ្លាស់ប្តូរជីវិតរបស់ខ្លួនដែលបានក្លាយជាសារលាចុងក្រោយ ហើយរូបគេកំពុងរីករាយសម្រាប់បើកទីព័រជីវិតបាល់ទាត់នៅក្លឹបថ្មី។

ការសរសេរផុសលាចុងក្រោយរូបគេត្រូវបានជីតារបស់ខ្លួនបានបង្ហាញពីសញ្ញាចូលរួមជាមួយក្លឹបព្រះខ័នរាជស្វាយរៀង ប៉ុន្យែការផុសរបស់ជីតា ត្រូវបានលុបចោលវិញក្នុងរយៈពេលមិនដល់១ម៉ោងក្រោយ។ កន្លងមក ក៏មានព័ត៌មានខ្លះពាក់ព័ន្ធនឹងលទ្ធភាពដែលអាចចូលរួមជាមួយក្លឹបភ្នំពេញក្រោន និងបឹងកេតដែរ ប៉ុន្តែនៅមិនទាន់ព័ត៌មានផ្លូវការឡើយ។

រដូវកាល២០២២កន្លងទៅនេះ Nick Taylor លេងឲ្យក្លឹប Orlando City B ដោយបង្ហាញខ្លួន២២ប្រកួតរកបាន១គ្រាប់ ហើយក៏ត្រូវបានកោះហៅចូលជម្រើសជាតិកម្ពុជាដែលបង្ហាញខ្លួនបាន៥លើកក្នុងនោះមិត្តភាព២លើក និងក្នុងពានរង្វាន់ AFF Championship ៣លើក រកបាន១គ្រាប់ឲ្យជម្រើសជាតិ៕

អត្ថបទ៖ វីរបុត្រ

Related Topics:Nick Taylor

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា