Taew ចូលរួមអបអរអតីតមិត្តប្រុស ដែលរកបានអ្នកស្អំបេះដូង

បន្ទាប់ពីបែកគ្នាជាង ៣ឆ្នាំ ពេលនេះអតីតមិត្តប្រុសតារាស្រី Taew រកបានអ្នកស្អំបេះដូងថ្មីហើយ ដែលទំនាក់ទំនងពួកគេបានបើកបង្ហាញកាលពីចុងឆ្នាំ២០២២កន្លងទៅ ហើយថ្មីៗនេះ អ្នកទាំងពីរបានបណ្ដើរគ្នាទៅលេងប្រទេសជប៉ុនយ៉ាងផ្អែមល្ហែម។

តារាប្រុស Ton Arch អតីតមិត្តប្រុស Taew បានបង្ហាញមុខគូស្នេហ៍ជាសាធារណៈជិត ៣ខែមកហើយ ក្រោយបែកគ្នាជាមួយតួឯកស្រី ព្រះម៉ែនាគី កាលពីចុងឆ្នាំ២០១៩ ដែលមិត្តស្រីរបស់លោកជាពិធីការិនីប៉ុស្តិ៍លេខ៣ ហើយជា DJ វិទ្យុមួយ នាងគឺ Zen Magicka។

ដោយឡែកពីរបីថ្ងៃនេះ Ton និងមិត្តស្រីក្រោយ បានបណ្ដើរគ្នាធ្វើដំណើរកម្សាន្តនៅលើទឹកដីជប៉ុនយ៉ាងរីករាយ​ និងបានបង្ហោះរូបជាច្រើនសន្លឹក បូករួមនឹងខេបសិនស្វីតៗ នៅលើបណ្ដាញសង្គម បង្អួតអ្នកគាំទ្រ។

ភ្លាមៗអ្នកគាំទ្ររាប់សិបនាក់បានចុច Like រូបថតព្រោងព្រាត និងខមិនអបអរសាទរគ្រប់ៗគ្នា ខណៈ ​Taew ដែលជាអតីតមិត្តស្រីក៏បានចុចរូបបេះដូងឱ្យផងដែរ ​ថែមទាំងចូលរួមសាទរអតីតមិត្តប្រុសដែលរកបានអ្នកស្អំបេះដូងថ្មី ជំនួសខ្លួន៕

ប្រែសម្រួល៖ ​សន្យា

ចុចអាន៖ ប្រវត្តិតារាស្រីថៃ Taew ផ្ដើមពីសម្ដែង ក្លាយជាសេដ្ឋីនីលាក់មុខ

ចុចអាន៖ បវរកញ្ញា អ៊ីងហ្វា ម្ចាស់មកុដ Miss Grand ថៃ ប្រកាសបរិច្ចាគសរីរាង្គ ក្រោយពេលស្លាប់