សេដ្ឋកិច្ច
វៀតណាម ចាយលុយជាង ១ ពាន់លានដុល្លារ ទិញគ្រាប់ស្វាយចន្ទីឆៅពី កម្ពុជា
ការិយាល័យពាណិជ្ជកម្មវៀតណាមប្រចាំកម្ពុជាបានរាយការណ៍ថា ប្រទេសវៀតណាមបាននាំចូលគ្រាប់ស្វាយចន្ទីឆៅពីកម្ពុជាក្នុងតម្លៃជាង ១ ពាន់លានដុល្លារកាលពីឆ្នាំមុន ។
យោងតាមការិយាល័យនេះបានឲ្យដឹងថា នៅឆ្នាំ ២០២២ កម្ពុជាបាននាំចេញគ្រាប់ស្វាយចន្ទីឆៅចំនួន ៦៧ ម៉ឺនតោន ដែលមានតម្លៃ ១.០៧ ពាន់លានដុល្លារទៅកាន់ទីផ្សារបរទេស ហើយ ៩៨.៥ ភាគរយនៃតម្លៃនាំចេញបានមកពីទីផ្សារវៀតណាម ។
ទន្ទឹមនោះ សមាគមស្វាយចន្ទីវៀតណាមបាននិយាយថា កាលពីឆ្នាំមុន វៀតណាមក៏បាននាំចូលគ្រាប់ស្វាយចន្ទីឆៅចំនួន ១.៩ លានតោនផងដែរ ខណៈការនាំចូលពីប្រទេសមួយចំនួនរួមទាំងកម្ពុជាផងនោះ មានតម្លៃសរុប ២.៦៦ ពាន់លានដុល្លារ ។
បន្ថែមពីនេះ វៀតណាមក៏ជាប្រទេសកែច្នៃការនាំចូលគ្រាប់ស្វាយចន្ទីឆៅជាច្រើនផងដែរ ខណៈបន្ទាប់ពីកែច្នៃរួច ប្រទេសនេះនឹងធ្វើការនាំចេញម្ដងទៀត ។ វៀតណាមបាននាំចេញគ្រាប់ស្វាយចន្ទីចំនួន ៥១៤,៦៩៩ តោន ដែលមានតម្លៃ ៣.០៥ ពាន់លានដុល្លារក្នុងឆ្នាំ ២០២២ ប៉ុន្តែចំនួននេះគឺធ្លាក់ចុះ ១២.៦ ភាគរយជាបរិមាណ និង ១៦ ភាគរយជាតម្លៃធៀបនឹងឆ្នាំ ២០២១ ។
នាពេលបច្ចុប្បន្ននេះ ប្រទេសវៀតណាមមានផ្ទៃដីដាំដុះស្វាយចន្ទីប្រហែល ៣០ ម៉ឺនហិកតា ជាមួយនឹងទិន្នផលគ្រាប់ឆៅអាចបំពេញបានប្រហែល ៣០ ភាគរយនៃតម្រូវការរបស់អ្នកកែច្នៃ ។ ទោះយ៉ាងណា តំបន់ដាំស្វាយចន្ទីបានធ្លាក់ចុះក្នុងរយៈពេលប៉ុន្មានឆ្នាំចុងក្រោយនេះ ដោយសារតែកសិករជ្រើសរើសដំណាំផ្សេងទៀតដែលមានប្រសិទ្ធភាពសេដ្ឋកិច្ចប្រសើរជាងមុន ។
ជាចុងក្រោយ សមាគមនាក៏បានស្នើឲ្យក្រសួងកសិកម្ម និងអភិវឌ្ឍន៍ជនបទ វាយតម្លៃអំពីស្ថិរភាព និងផែនការរយៈពេលវែងនៃតំបន់ដាំដុះស្វាយចន្ទី ហើយសមាគមក៏បានស្នើអភិវឌ្ឍតំបន់សម្ភារៈគ្រាប់ស្វាយចន្ទីនៅកម្ពុជា និងឡាវភាគខាងត្បូងផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ VN Express
ចុចអាន ៖ លោក Lavrov ៖ អាមេរិក ទទួលស្គាល់ថា ពិតជាអ្នកបំផ្ទុះបំពង់បង្ហូរប្រេង Nord Stream មែន
-
ជីវិតកម្សាន្ដ៤ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង២ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៤ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេដ្ឋកិច្ច៤ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៣ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ
-
ព័ត៌មានជាតិ២ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ