ម្ដាយ Nadech បង្ហាញវីឡាថ្មី ដែលកូនប្រុសត្រៀមរស់នៅជាមួយ Yaya ក្រោយរៀបការ

ម្ដាយរបស់តារាប្រុស Nadech Kugimiya អ្នកស្រី Kaew បានបង្ហាញសំណង់វីឡាថ្មីកំពុងសាងសង់ ដែលវីឡានេះគឺកូនប្រុសរបស់គាត់ ត្រៀមទុកសម្រាប់រស់នៅជាមួយ Yaya ក្រោយពេលអ្នកទាំងពីររៀបការរួច។

វីឡាថ្មីរបស់ Nadech ពេលនេះមិនទាន់រួចរាល់ជាស្ថាពរនោះទេ វាទើបតែសាងសង់បានពាក់កណ្ដាលប៉ុណ្ណោះ ប៉ុន្តែទោះបីជាមិនទាន់សង់ចប់យ៉ាងណាក្ដី ម្ចាស់ផ្ទះធ្លាប់បង្ហើបថា លោកចំណាយប្រាក់រាប់លានបាតដើម្បីសង់វីឡានេះឡើង ជាពិសេសវាជាផ្ទះអនាគតរបស់លោក និង Yaya បន្ទាប់ពីរៀបការ។

តាមរយៈបទសម្ភាសន៍កន្លងមក Nadech ធ្លាប់និយាយថា លោកកំពុងត្រៀមសង់ផ្ទះថ្មី ហើយលោកមានគម្រោងសង់សួនច្បារដ៏ធំមួយសម្រាប់ Yaya នៅផ្ទះអនាគតនោះ ក្រោយអ្នកទាំងពីរក្លាយជាប្ដីប្រពន្ធស្របច្បាប់។ ទោះបីពេលនេះ ម្ចាស់ខ្លួនពុំបញ្ជាក់ច្បាស់ថាជាវីឡានេះឬយ៉ាងណា ប៉ុន្តែអ្នកគាំទ្រប្រាកដចិត្តថា វាជាផ្ទះអនាគតរបស់គូស្នេហ៍ Nadech-Yaya ដែលពួកគេត្រៀមរស់នៅជាមួយគ្នា។

ពេលនេះវីឡាថ្មី មិនទាន់លេចចេញជារូបរាងពេញលេញនៅឡើយ ប៉ុន្តែតាមរយៈរូបភាពដែលម្ដាយ Nadech ថតបង្ហោះ គេអាចមើលឃើញដើមឈើខ្លះៗនៅជុំវិញផ្ទះ និងភាពស្កឹមស្កៃនៃផ្ទះថ្មីនេះផងដែរ៕

ប្រែសម្រួល៖ សន្យា

ចុចអាន៖ Nadech គិតរួចហើយ បើសង់ផ្ទះជាមួយ Yaya ត្រូវធ្វើសួនច្បារជូននាងយ៉ាងពិសេស

ចុចអាន៖ រូបភាពច្រើនសន្លឹករបស់ Nadech-Yaya ធ្វើឲ្យហ្វេនរំភើបចិត្តថា ខាងប្រុសអាចសុំរៀបការ