Nadech គិតរួចហើយ បើសង់ផ្ទះជាមួយ Yaya ត្រូវធ្វើសួនច្បារជូននាងយ៉ាងពិសេស

​គូស្នេហ៍​កំពូល​តារា Nadech Kugimiya និង Yaya-Urasaya Sperbund កំពុងធ្វើឱ្យមហាជនរង់ចាំដំណឹងចូល​រោងការ​យ៉ាងអន្ទះសារ ខណៈថ្មីៗនេះ ខាងប្រុសបានបង្ហើបពីគម្រោងសង់ផ្ទះរួមគ្នាជាមួយមិត្តស្រី ដែលលោកនឹងធ្វើសួនច្បារមួយយ៉ាងពិសេសសម្រាប់នាង។

ថ្មីៗនេះ Nadech Kugimiya បានផ្ដល់បទសម្ភាសន៍ជាមួយអ្នកសារព័ត៌មាន ដោយលោកបានបង្ហើបពីគម្រោងសង់សួនច្បារដ៏ធំមួយសម្រាប់ Yaya នៅផ្ទះអនាគត ក្រោយអ្នកទាំងពីររៀបការរួច។ តារាប្រុសរូបនេះ និយាយថា ខ្លួនបានគិតរួចហើយ ​បើ​លោក​សង់​ផ្ទះ​ជាមួយ​ ​Yaya លោកត្រូវធ្វើសួនច្បារជូននាង ព្រោះនាង​ជា​មនុស្ស​សាមញ្ញ ឲ្យ​តែ​មាន​សួន​ច្បារ​ ​នាងអាចសប្បាយ​ចិត្តងាយណាស់។

យ៉ាងណាមិញ ចំពោះដំណឹងរៀបការរបស់គូស្នេហ៍នេះ នៅមិនទាន់លេចឮនៅឡើយ ស្របពេលដែលអ្នកគាំទ្របន់ឱ្យតែពួកគេប្រកាសចូលរោងជ័យឆាប់ៗ ដូចគូស្នេហ៍ Mark Prince និង Kimberly អ៊ីចឹងដែរ៕

ប្រែសម្រួល៖ សន្យា

ចុចអាន៖ អាពាហ៍ពិពាហ៍ ៣ គូ សារភាពថា មិនដឹងប្ដី-ប្រពន្ធខ្លួន ជាតារាល្បីក្នុងប្រទេស ថៃ ឡើយ