ជីវិតកម្សាន្ដ

ខ្ញុង បង្ហាញក្ដីសង្ឃឹមថា ឆ្នាំនេះនៅដោះស្រាយរួចរាល់គ្រប់បញ្ហា

បានផុស

៣ years មុន

នៅ

ថ្ងៃអង្គារ ២១ មីនា ២០២៣

ដោយ

តារាកំប្លែងសម្ដីចាក់ទឹកមិនលេច អ្នកនាង ស្រេង សុកាន់ដា ហៅ ខ្ញុង អំឡុងរយៈពេលជិត ២ ឆ្នាំ ចុងក្រោយនេះ នាងហាក់ជួបប្រទះបញ្ហាស្មុគស្មាញដោយឥតស្រាកស្រាន្តឡើយ ពោលគឺចាប់តាំងពីតារាស្រីរូបនេះទម្លាយពីការជំពាក់បំណុលគេជាងកន្លះលានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែបញ្ហា នៃការជំពាក់បំណុលនេះ ទើបអ្នកនាង ខ្ញុង បានធ្លាក់ខ្លួនស្ទើរចំណុចសូន្យ ព្រោះការលក់ទ្រព្យសម្បត្តិអស់ខ្ទិចអស់ខ្ទីគ្មានសល់ពីខ្លួន ប៉ុន្តែអ្វីដែលគួរឲ្យសរសើរលើការតស៊ូនោះ គឺ ខ្ញុង និង ស្វាមី សព្វថ្ងៃកំពុងខិតខំក្នុងការលក់ត្រី ងៀត ត្រីឆ្អើរ ផ្អក ព្រមទាំងផលិតផលមួយចំនួន ដើម្បីដោះដូរបានប្រាក់មកសងបំណុលគេតាមដំណាក់កាល។

អ្វីដែលកាន់តែចាប់អារម្មណ៍ទៀតនោះ អ្នកនាង ខ្ញុង បានប្រកាសទាំងក្ដីសង្ឃឹមថា ឆ្នាំនេះនឹងដោះស្រាយរួចរាល់គ្រប់បញ្ហា។ អ្នកនាង ខ្ញុង បានរៀបរាប់ថា អរគុណខ្លួនឯងដែលរឹងមាំចាប់តាំងពីទទួលការងារឡើងវិញមក មិនសូវបានមានពេលសម្រាកទេ។ សង្ឃឹមថា ឆ្នាំនេះនៅដោះស្រាយរួចរាល់គ្រប់បញ្ហា។

តារាកំប្លែងអ្នកនាង ខ្ញុង បានបន្តទៀតថា អរគុណដែលបានទុកឱកាសឲ្យ ខ្ញុំ នឹងប្រើសមត្ថភាព និងកម្លាំងនេះជារបស់ខ្ញុំ សូមអរគុណបងប្អូន។ មិនឲ្យខ្វះមួយកាក់មួយសេនណាឡើយ អរគុណកូន អរគុណប្ដី កម្លាំងចិត្តដ៏ធំធេងសម្រាប់ខ្ញុំ។

គួររម្លឹកថា បន្ទាប់ពីបាត់មុខសិល្បៈអស់មួយសន្ទុះធំពីក្រុមកំប្លែងលោកតា វ៉ិចទ័រ ក្រោយផ្ទុះរឿងរ៉ាវ នៃការជំពាក់បំណុលវ័ណ្ឌក ពេលនេះតារាកំប្លែងសម្ដីបាន ធ្លាប់តែងតែផ្ដល់សំណើចសើចក្អាកក្អាយដល់ទស្សនិកជនគ្រប់ទីកន្លែង គឺ អ្នកនាង ខ្ញុង បានឱកាសចូលលេងកំប្លែងបម្រើអារម្មណ៍ទស្សនិកជនវិញហើយ៕

អត្ថបទ ៖ ចាន់រ៉ា

Related Topics:តារាកំប្លែង ខ្ញុង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា