ភាពយន្តរបស់ Song Hye Kyo បន្តឈរលើកំពូលតារាង Top 10 ទូទាំងពិភពលោក សម្រាប់សប្ដាហ៍ទីពីរ

យោងទៅតាមក្រុមហ៊ុន Netflix បានប្រកាសអំពីកំពូលខ្សែភាពយន្ត Top 10 កាលពីថ្ងៃទី ២២ ខែ មីនា ក្នុងនោះរដូវកាលទី ២ នៃរឿង “The Glory” សម្តែងដោយ Song Hye Kyo នៅតែបន្តឈរនៅកំពូលតារាងទូទាំងពិភពលោកសម្រាប់សប្ដាហ៍ទីពីរ ។

ជាមួយនឹងភាពគួរឱ្យស្ញប់ស្ញែងនេះខ្សែភាពយន្ត “The Glory” ជាប់ចំណាត់ថ្នាក់ទី ១ ក្នុងកម្មវិធីទូរទស្សន៍កំពូលទាំង ១០ របស់ Netflix ប៉ុណ្ណោះទេ។ ប៉ុន្តែវាក៏ជាប់ចំណាត់ថ្នាក់លេខ ១ ទាក់ទងនឹងរឿងភាគដែលមានអ្នកមើលច្រើនជាងគេផងដែរ នៅក្នុងភាពយន្តនេះក៏ជាប់ជាខ្សែភាពយន្តល្អបំផុតប្រភេទភាពយន្តមិនមែនភាសាអង់គ្លេស។

កាលពីមុនរឿង “The Glory” បានបង្កភាពភ្ញាក់ផ្អើលដោយទទួលបាន ១២៤.៤៦ លានអ្នកចូលទស្សនាក្នុងរយៈពេលត្រឹមតែ ៣ ថ្ងៃបន្ទាប់ពីការចេញផ្សាយ ដោយបញ្ជាក់ពីសក្តានុពលដ៏អស្ចារ្យរបស់រឿងនេះក្នុងរយៈពេល ២ សប្តាហ៍ជាប់គ្នានៅលើកំពូលជាមួយនឹងចំនួនអ្នកចូលទស្សនាច្រើនបំផុតទាំងភាសាអង់គ្លេសនិងមិនជាភាសាអង់គ្លេស ។

យ៉ាងណាមិញ ភាពយន្ត The Glory គឺជារឿងភាគរបស់ Netflix ដែលប្រាប់ពីរឿងរ៉ាវរបស់តួអង្គ Moon Dong Eun (សម្តែងដោយ Song Hye Kyo) នាងបានក្លាយជាជនរងគ្រោះនៃអំពើហិង្សានៅវិទ្យាល័យដែលប្រព្រឹត្តដោយសិស្សរួមថ្នាក់ និងការសងសឹករបស់នាងទៅពួកគេវិញ ៕

ប្រែសម្រួល៖នាងតូច

ចុចអាន៖បង្ហាញសម្រស់ម្ដងនេះ ទស្សនិកជនសឹងមិនជឿថា Song Hye Kyo មានអាយុ ៤៣ ឆ្នាំឡើយ