ជីវិតកម្សាន្ដ

បង្ហាញសម្រស់ម្ដងនេះ ទស្សនិកជនសឹងមិនជឿថា Song Hye Kyo មានអាយុ ៤៣ ឆ្នាំឡើយ

បានផុស

៣ years មុន

នៅ

ថ្ងៃពុធ ២២ មីនា ២០២៣

ដោយ

រូបភាពច្រើនសន្លឹករបស់តារាសម្ដែងកូរ៉េខាងត្បូង Song Hye Kyo ធ្វើឲ្យអ្នកនិយមលេងអ៊ីនធឺណិតស្ទើរតែមិនជឿថានាងមានអាយុ ៤៣ ឆ្នាំនោះទេ(ឆ្នាំកូរ៉េ) ដោយសារប៉ុន្មានសន្លឹកនោះបានបង្ហាញពីស្បែកស្អាតឥតខ្ចោះ និងសម្រស់ក្មេងជាងវ័យ។

កាលពីថ្ងៃទី ២០ ខែមីនា អ្នកនិយមលេងអ៊ីនធឺណិតម្នាក់បានចូលទៅក្នុងវេទិកាសហគមន៍អនឡាញមួយ ហើយបានបង្ហោះរូបភាពនាងព្រមទាំងមានចំណងជើងថា “WOW SONG HYE KYO PRETTY Is SHE REALLY 43? ជាមួយទស្សនាវដ្ដី ‘Elle’ សម្រាប់ខែកុម្ភៈ។ នៅក្នុងរូបថតនោះ Song Hye Kyo បានបង្ហាញរូបរាងដ៏ឥតខ្ចោះ ខណៈដែលនាងបង្ហាញស្បែកគ្មានស្នាម បបូរមាត់ឡើងក្រាស់ និងសម្រស់ដ៏អស្ចារ្យដែលមើលទៅមិនចាញ់អាយុរបស់នាងទេ។

ជាមួយគ្នានេះដែរ ទស្សនិកជនសម្រុកចូលទៅបញ្ចេញមតិសរសើរលើសម្រស់របស់តារាកូរ៉េខាងត្បូងខុសៗគ្នាថា “ហ៎? នាងអាយុ ៤៣ ឆ្នាំហើយ? Omg នាងពិតជាមើលទៅមិនដូចអាយុច្រើនទេ នាងមើលទៅក្មេងជាង ដោយសារតែនាងបានតុបតែងខ្លួនតាមស្ទីលដែលពេញនិយមនាពេលបច្ចុប្បន្ននេះ។” ” នាងមើលទៅស្រស់ស្រាយ ហើយក៏មានភាពទាក់ទាញខ្លាំងដែរ”។ “ពិតជាស្អាតណាស់!” “ការផាត់របស់នាង គឺជារឿងព្រេងនិទានដ៏អស្ចារ្យបំផុត”។ “តាំងពីយូរយារណាស់មកហើយ ខ្ញុំតែងតែគិតថា Song Hye Kyo ស្អាតជាងគេក្នុងចំណោមតារាស្រីទាំងអស់”។ “អស្ចារ្យណាស់ នាងស្អាតណាស់” “Song Hye Kyo គឺពិតជាសៀវភៅសិក្សារបស់តារាបង្ហាញម៉ូតសម្រស់ ខ្ញុំឆ្ងល់ថាតើនាងមានអារម្មណ៍យ៉ាងណា ដែលតែងតែស្អាតបែបនេះរហូតមក”។

ទោះយ៉ាងណានេះមិនមែនជាលើកទីមួយដែល Song Hye Kyo បង្ហាញរូបភាពស្រទន់និងបញ្ចេញស្នាមញញឹមបែបនេះមកកាន់អ្នកគាំទ្រទូទាំងពិភពលោក កាលពីលើកមុននាងក៏ធ្លាប់បង្អួតសម្រស់ផ្អើលបណ្ដាញសង្គម រហូតគេលាន់មាត់សរសើរដោយដាករហស្សនាមថា ជារាជិនីសម្រស់ប្រចាំកូរ៉េថែមទៀតផង៕