ខ្យល់កន្ត្រាក់បំផ្លាញផ្ទះ ៤០ ខ្នង និងសាយឡូធំៗ យ៉ាងដំណំនៅស្រុកភ្នំព្រឹក

លំនៅឋានរបស់ប្រជាពលរដ្ឋចំនួន ៤០ ខ្នង ត្រូវបានខ្យល់កន្ត្រាក់វាយបំផ្លាញស្ទើរគ្មានសល់ ដោយក្នុងនោះក៏មានសាយឡូធំៗចំនួន២កន្លែងផងដែរ ដែលរងការបាក់ធ្លាក់រាបដល់ដី។

យោងតាមរបាយការណ៍របស់សមត្ថកិច្ចបានឱ្យដឹងថា កាលពីថ្ងៃទី ៣០ ខែមីនា ឆ្នាំ ២០២៣ វេលាម៉ោង ៤៖៤៥ នាទី ល្ងាច មានភ្លៀងធ្លាក់យ៉ាងខ្លាំងនៅស្រុកភ្នំព្រឹក និងមានខ្យល់កន្ត្រាក់បោកបក់ចូលទៅលើភូមិចំនួន២ ក្នុងឃុំពេជ្រចិន្តា ក្នុងនោះគឺភូមិភ្នំតូច និងភូមិអូរ ឃុំពេជ្រចិន្តា ស្រុកភ្នំព្រឹក ខេត្តបាត់ដំបង៕

ភ្លៀង ខ្យល់កន្ត្រាក់បានបណ្ដាលឱ្យប៉ះពាល់ផ្ទះប្រជាពលរដ្ឋចំនួន៤០ខ្នង គឺភូមិភ្នំតូច បាក់សាយឡូធំៗ ២ កន្លែង ខូចខាតផ្ទះ ចំនួន ៣៤ ខ្នង និងភូមិអូរ ផ្ទះខូចខ្ទេចចំនួន ១១ ខ្នង ប៉ុន្តែរាល់ការខូចខាតដោយសារគ្រោះធម្មជាតិនេះ មិនមានការប៉ះពាល់ដល់អាយុជីវិតមនុស្សឡើយ៕

អត្ថបទ÷ សោ និយមរ័ត្ន