ព័ត៌មានអន្ដរជាតិ

រុស្ស៊ី ចេញគោលនយោបាយថ្មី បង្កើតសម្ព័ន្ធប្រឆាំងលោកខាងលិច និងពង្រឹងទំនាក់ទំនងជាមួយ ចិន

បានផុស

១ year មុន

នៅ

ថ្ងៃចន្ទ ៣ មេសា ២០២៣

ដោយ

រុស្ស៊ីបានអនុម័តគោលនយោបាយការបរទេសថ្មីក្នុងមានគោលបំណងបង្កើតសម្ព័ន្ធប្រឆាំងលោកខាងលិច ហើយពង្រឹងទំនាក់ទំនងជាមួយចិន និងឥណ្ឌា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលរបស់លោកប្រធានាធិបតី វ្ល៉ាឌីមៀរ ពូទីន បានបញ្ចេញគោលនយោបាយការបរទេសរុស្ស៊ីថ្មីកាលពីថ្ងៃសុក្រ ហើយវាក៏ជាការកែប្រែលើកដំបូងមិនធ្លាប់មាន ចាប់តាំងពីឆ្នាំ ២០១៦ មក ។

នៅក្នុងឯកសារនោះ រុស្ស៊ីបានចោទប្រកាន់សហរដ្ឋអាមេរិក និងប្រទេសលោកខាងលិចផ្សេងទៀតថា បានចាប់ផ្តើម “សង្រ្គាមកូនកាត់” ដើម្បីឆ្លើយតបទៅនឹងវិធានការដែលរុស្ស៊ីបានអនុវត្តសម្រាប់ការពារផលប្រយោជន៍ជាតិដ៏សំខាន់របស់ខ្លួននៅក្នុងប្រទេសអ៊ុយក្រែន ។

ទន្ទឹមនោះយុទ្ធសាស្ត្រថ្មីនេះក៏មានគោលបំណងពង្រឹងកិច្ចសហប្រតិបត្តិការជាមួយចិន និងឥណ្ឌា ដើម្បីឲ្យសណ្តាប់ធ្នាប់អន្តរជាតិពហុប៉ូល អាចត្រូវបានកសាងឡើងផងដែរ ។

ស្របពេលជាមួយគ្នានេះ ក្រុមអ្នកវិភាគរបស់សហរដ្ឋមន្ត្រីបាននិយាយថា គោលនយោបាយថ្មីនេះទំនងជាដើម្បីគាំទ្រដល់ការប៉ុនប៉ងរបស់វិមានក្រឹមឡាំង ដើម្បីលើកកម្ពស់សម្ព័ន្ធភាពប្រឆាំងលោកខាងលិចដ៏មានសក្តានុពល ។

ដោយឡែក កាលពីថ្ងៃសៅរ៍ នៅក្នុងកិច្ចប្រជុំមួយ ដែលមានការចូលរួមដោយមន្ត្រីជាន់ខ្ពស់ ប្រមុខការពារជាតិរុស្ស៊ី លោក Sergei Shoigu បានសន្យាថា ទីក្រុងមូស្គូនឹងពង្រីកការផលិតគ្រាប់រំសេវ និងសព្វាវុធ រួមទាំងអាវុធទំនើបៗផងដែរ ស្របពេលដែលលោកខាងលិចបាននឹងកំពុងផ្តល់ជំនួយយោធាបន្ថែមទៀតដល់អ៊ុយក្រែនដូចគ្នា ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ២ ខែទៀតទើប អ៊ុយក្រែន អាចប្រើរថក្រោះខ្លារខិន Leopard លើសមរភូមិ ប្រយុទ្ធបាន