Suga សមាជិក BTS នឹងសហការជាមួយ IU ក្នុងបទចម្រៀងថ្មី

Suga សមាជិក BTS បានបញ្ជាក់ថានឹងសហការជាមួយគ្នាជាមួយ IU ដើម្បីចេញបទចម្រៀងថ្មី ដើម្បីត្រៀមសម្រាប់អាល់ប៊ុមទោលដំបូងផ្លូវការរបស់លោកដែលមានចំណងជើងថា D-DAY ។

នៅព្រឹកថ្ងៃទី ៥ ខែមេសានេះ Suga ដែលជាសមាជិកក្រុមដ៏មានប្រជាប្រិយ BTS បានបញ្ជាក់ជាផ្លូវការអំពីការសហ ការលោករវាងតារាចម្រៀងនិងសម្តែង IU ។ ក្នុងនោះ Suga បានបង្ហាញពីការសហការនេះតាមរយៈការបង្កោះ Tea ser សម្រាប់បទថ្មីដែលមានឈ្មោះថា People Pt.2 ។

ជាមួយគ្នានេះបទ People Pt.2 គឺជាចម្រៀងនាំមុខដែលនឹងត្រូវចេញមុន ដើម្បីត្រៀមសម្រាប់អាល់ប៊ុមផ្លូវការដំបូងរបស់ Suga ដែលមានចំណងជើងថា D-DAY។ ទន្ទឹមនឹងនោះ មានគាំទ្រជាច្រើនបានទស្សន៍ទាយថាតារាប្រុសរូបនេះនឹងបញ្ចេញសមត្ថភាពរ៉េបជាមួយនឹងអាល់ប៊ុមទោលដំបូងរបស់លោក ។

ជាពិសេស កាលពីដើមឆ្នាំ ២០២២ តារាចម្រៀង IU និង Suga បានសហការគ្នាក្នុងបទចម្រៀងដ៏ល្បីមួយដែលមានឈ្មោះថា eight ។ នៅពេលនោះ បទចម្រៀងនេះបានជាប់ចំណាត់ថ្នាក់លើតារាងទាំងអស់ជុំវិញពិភពលោកដោយ ឈរលើកំពូលតារាងលើវេទិកាតន្ត្រីក្នុងប្រទេសកូរ៉េ ។

ដោយឡែក បទចម្រៀងថ្មីរវាង IU និង Suga ត្រូវបានគេរំពឹងថានឹងចេញជាផ្លូវការនៅថ្ងៃទី ៧ ខែ មេសា ហើយក៏ដូចជាអាល់ប៊ុមទោលរបស់ Suga នឹងចេញក្នុងរយៈពេល ២ សប្តាហ៍បន្ទាប់ពីចេញបទចម្រៀងនេះគឺនៅថ្ងៃទី ២១ ខែមេសា ៕

ប្រែសម្រួស៖នាងតូច

ចុចអាន៖Song Hye Kyo សរសេរសំបុត្រអរគុណទស្សនិកជនគាំទ្ររឿង “The Glory” លើសការរំពឹងទុក