YG បដិសេធពាក្យចចាមអារ៉ាម G-Dragon កំពុងចាកចេញពីផលិតកម្មមួយនេះ

ផលិតកម្ម YG Entertainment បញ្ជាក់ថា G-Dragon នៅតែស្ថិតក្រោមកិច្ចសន្យាជាមួយខ្លួន និងបានបដិសេធពាក្យចចាមអារ៉ាមដែលថាតារាចម្រៀងរូបនេះបញ្ជាប់កិច្ចសន្យានិងកំពុងចាកចេញពីក្រុមហ៊ុនកម្សាន្តមួយនេះ ។

បន្ទាប់ពីមានពាក្យចចាមអារ៉ាមថា G-Dragon លែងស្ថិតក្រោមការគ្រប់គ្រងរបស់ YG Entertainment ក្រុមហ៊ុនបាននិយាយភ្លាមៗដើម្បីបដិសេធព័ត៌មាននេះមិនពិត ដោយបានបញ្ជាក់ “G-Dragon នៅតែស្ថិតនៅក្រោមក្រុមហ៊ុនរបស់យើង”។ ពាក្យចចាមអារ៉ាមនេះបានផ្ទុះឡើងបន្ទាប់ពី YG បានចេញផ្សាយរបាយការណ៍ប្រចាំត្រីមាសរបស់ខ្លួនតាមរយៈប្រព័ន្ធបង្ហាញព័ត៌មានអេឡិចត្រូនិក DART ។

នៅក្នុងបាយការណ៍នេះរួមបញ្ចូលទាំងបញ្ជីសិល្បករនៅក្រោម YG ដូចជា BLACKPINK, AKMU, WINNER ទោះបីជាយ៉ាងណាក៏ដោយ វាមានការភ័ន្តច្រឡំដែលឈ្មោះរបស់ G-Dragon មិនត្រូវបានរកឃើញទេ។ រឿងនេះបានធ្វើឱ្យទស្សនិកជនមានការភ័ន្តច្រឡំយ៉ាងខ្លាំង ហើយសន្មតថា G-Dragon ក៏បានចាកចេញពីក្រុមហ៊ុនផងដែរ ដោយបញ្ចប់កិច្ចសន្យារបស់គាត់ដូចសមាជិក BIGBANG ផ្សេងទៀត។ ទោះជាយ៉ាងណាក៏ដោយ បន្ទាប់ពីការបញ្ជាក់របស់ YG ទស្សនិកជនអាចជឿជាក់ បានថា GD នឹងបន្តចុះកុងត្រា ហើយនៅតែមានផលិតផលតន្ត្រីនាពេលអនាគត។

ដោយឡែក នៅពេលនេះ GD គឺជាសមាជិកតែមួយគត់របស់ BIGBANG ដែលបន្តកិច្ចសន្យាជាមួយផលិតកម្ម YG Entertainment ដោយសមាជិកក្មេងជាងគេ Seungri បានចាកចេញនៅឆ្នាំ ២០១៨ បន្ទាប់ពីរឿងអាស្រូវផ្លូវភេទ និងល្បែង។ កុងត្រារបស់ TOP ក៏ផុតកំណត់កាលពីឆ្នាំមុន Taeyang បានចុះកិច្ចសន្យាជាមួយក្រុមហ៊ុនបុត្រសម្ព័ន្ធរបស់ YG ដែលមានឈ្មោះថា Black Label ហើយ Daesung ប្តូរផលិតកម្មថ្មីផងដែរ ៕

ប្រែសម្រួល៖នាងតូច

ចុចអាន៖Lisa ស្លៀកឈុតប្រពៃណីទៅធ្វើបុណ្យនៅវត្តអយុធ្យា កំពុងផ្ទុះខ្លាំងលើអ៊ីនធឺណិត