ជីវិតកម្សាន្ដ

Lisa ស្លៀកឈុតប្រពៃណីទៅធ្វើបុណ្យនៅវត្តអយុធ្យា កំពុងផ្ទុះខ្លាំងលើអ៊ីនធឺណិត

បានផុស

១០ ខែ មុន

នៅ

ថ្ងៃអង្គារ ៦ មិថុនា ២០២៣

ដោយ

ក្រោយប្រគំតន្ត្រីនៅប្រទេសថៃចប់សព្វគ្រប់ Lisa សមាជិកក្រុម BLACKPINK បានចំណាយពេលវេលាជាមួយក្រុមគ្រួសារ និងមិត្តភក្តិរបស់នាងយ៉ាងពេញទំហឹងទាំងការហូបចុកនិងធ្វើដំណើរកម្សាន្ត ព្រមទាំងស្លៀកពាក់ឈុតប្រពៃណីទៅវត្តមួយនៅ Ayutthaya ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតថា Lisa បានវិលទៅវិញ ប៉ុន្តែនៅលើបណ្ដាញសង្គមផ្ទាល់ខ្លួនរបស់នាងបានបង្ហោះរូបភាពខេត្ត Phra Nakhon Si Ayutthaya ដែលភ្ជាប់មកជាមួយ caption ខ្លីមួយសរសេរថា “Ayutthaya” ខណៈនាងស្លៀកឈុតប្រពៃណីថៃ អាវស សារុងពណ៌ខៀវ ធ្វើបុណ្យរួមជាមួយក្រុមមិត្តភ័ក្ដិ ព្រមទាំងឆ្លៀតដើរលេងថតរូបស្អាតៗក្នុងទឹកដីកំណើតផងដែរ។

តាមរយៈរូបភាពច្រើនសន្លឹកដែលសមាជិកក្រុម BLACKPINK បង្ហោះ បានធ្វើឲ្យអ្នកគាំទ្រមានការភ្ញាក់ផ្អើលពាសពេញពិភពលោក ដោយសម្រុកចូលទៅ like និងលាន់មាត់សរសើរសម្រស់នាងថាស្រស់ស្អាតគ្រប់ឈុត ជាពិសេសនៅពេលស្លៀកសំលៀកបំពាកបុរាណបែបនេះ។

ទន្ទឹនោះគ្នានោះដែរ អ្នកគាំទ្រថៃជាច្រើនក៏មានជំនឿថា បន្ទាប់ពីរូបថត Lisa បង្ហាញលើគណនីផ្ទាល់ខ្លួន មិនយូរទេប្រហែលជាមានអ្នកទេសចរមកពីជុំវិញពិភពលោកដែលធ្វើដំណើរទៅប្រទេសថៃ ប្រាកដជាសម្រុកទៅលេងអយុធ្យាដូច Lisa ជាក់ជាមិនខាន៕