កីឡា

ឱកាសល្អសម្រាប់យុវជន ពានរង្វាន់ស្វាយរៀងខាប់អាយុ១៨ឆ្នាំចាប់ផ្តើមបើក

បានផុស

៣ years មុន

នៅ

ថ្ងៃអង្គារ ២៥ កក្កដា ២០២៣

ដោយ

ការប្រកួតបាល់ទាត់ពានរង្វាន់យុវជនស្វាយរៀងខាប់អាយុក្រោម១៨ឆ្នាំ លើកទី១ ឆ្នាំ២០២៣បានចាប់ផ្តើមប្រកាសឲ្យយុវជន និងក្រុមបាល់ទាត់ចូលរួមដាក់ពាក្យប្រកួតប្រជែងហើយដែលនេះជាឱកាសដ៏ល្អសម្រាប់យុវជនចូលចិត្តបាល់ទាត់ និងអភិវឌ្ឍខ្លួនក្លាយជាកីឡាករអាជីព។

តាមសេចក្តីជូនដំណឹងរបស់សហភាពសហព័ន្ធយុវជនកម្ពុជា ខេត្តស្វាយរៀង បានបញ្ជាក់ថា កាលបរិច្ឆេទនៃការលក់ពាក្យចូលរួមប្រកួតគឺចាប់ពីថ្ងៃផ្សាយជូនដំណឹងនេះតទៅ។ ចំពោះការទទួលពាក្យចាប់ពីថ្ងៃទី២៥ ខែកក្កដា ដល់ថ្ងៃទី៥ ខែសីហា ឆ្នាំ២០២៣ ហើយការប្រកួតចាប់ផ្តើមពីខែសីហាតទៅដែលត្រូវធ្វើឡើងរាល់ថ្ងៃសៅរ៍ អាទិត្យ និងថ្ងៃឈប់សម្រាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លក្ខខណ្ឌនៃការចូលរួម ក្រុមនីមួយៗត្រូវមានកីឡាករចាប់ពីអាយុ១៦ឆ្នាំ ១៧ឆ្នាំ និង១៨ឆ្នាំជាជនជាតិខ្មែរ និងជាកីឡាករដែលមានទីលំនៅបច្ចុប្បន្ន ឬទីកន្លែងកំណើតនៅខេត្តស្វាយរៀង។ ក្រុមនីមួយៗត្រូវមានកីឡាករយ៉ាងច្រើនបំផុត២០នាក់ និងមន្ត្រី៥នាក់។ ក្រុមទាំងអស់ត្រូវបំពេញតាមសំណំលិខិតដែលបានចែង។

សម្រាប់ទីលានប្រកួតធ្វើនៅ៣កន្លែងផ្សេងគ្នាគឺទីលានកីឡដ្ឋានខេត្តស្វាយរៀង ទីលានវិទ្យាល័យស្វាយរៀង និងទីលានវិទ្យាល័យ ហ៊ុន សែន ស្វាយរំពារ។

នេះជាលើកទី១ហើយសហភាពសហព័ន្ធយុវជនកម្ពុជា ខេត្តស្វាយរៀងបានរៀបចំការប្រកួតបាល់ទាត់ពានរង្វាន់យុវជនកម្រិតអាយុក្រោម១៨ឆ្នាំ បន្ទាប់ពីបានរៀបចំពានរង្វាន់ក្រោមអាយុ១៥ឆ្នាំ។

ព័ត៌មានលំអិត សូមពិនិត្យ មើលខិតប័ណ្ណផ្សព្វផ្សាយ និងសេចក្តីជូនដំណឹងដូចខាងក្រោម៖

អត្ថបទ៖ វីរបុត្រ

Related Topics:ពានរង្វាន់ស្វាយរៀងខាប់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា