សុខភាព

មានជំងឺខ្លាញ់រុំថ្លើម កុំចេះតែបរិភោគអាហារផ្ដេសផ្ដាស ប្រយ័ត្នធ្ងន់លើសដើម

បានផុស

៣ years មុន

នៅ

ថ្ងៃអង្គារ ៨ សីហា ២០២៣

ដោយ

តើអ្នកដឹងទេថា ២៥% នៃប្រជាជនអាស៊ីមានជំងឺខ្លាញ់រុំថ្លើម? ដែលមនុស្សភាគច្រើនតែងតែមិនដឹង អ្នកជំងឺប្រហែល ១នាក់ក្នុងចំណោម ៤ នាក់ដែលមានជំងឺខ្លាញ់រុំថ្លើមវិវត្តន៍ទៅជាជំងឺរលាកថ្លើម ហើយអាចរាលដាលដល់មហារីកថ្លើម ដោយឱកាសនៃជំងឺខ្លាញ់រុំថ្លើម វាអាចមានទាំងស្រី ប្រុសនិងក្មេងធាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននេះ ជំងឺខ្លាញ់រុំថ្លើម មិនទាន់មានការព្យាបាលនៅឡើយទេ។ ការកែតម្រូវឥរិយាបថបរិភោគ ហើយការហាត់ប្រាណគឺជាការការពារដ៏ល្អបំផុត។ ទោះយ៉ាងណាក៏ដោយ វេជ្ជបណ្ឌិតក្នុងមន្ទីរពេទ្យធំៗជាច្រើនបានប្រាប់ពីរបៀបទទួលទានអាហារដោយសុវត្ថិភាព គេចពីខ្លាញ់រុំថ្លើម។

អាហារដែលមិនគួរញ៉ាំពេលកើតជំងឺខ្លាញ់រុំថ្លើម

១ របបអាហារកាបូអ៊ីដ្រាតខ្ពស់ ម្សៅ ស្ករ អង្ករ គុយទាវ នំបុ័ង ភីហ្សា បង្អែម ភេសជ្ជៈ និងទឹកផ្លែឈើ រួមបញ្ចូល (មានជាតិ fructose ខ្ពស់) និងផ្លែឈើដែលមានជាតិស្ករខ្ពស់ ដូចជា ផ្លែស្វាយទុំ និងធុរេន។

២ អាហារសម្បូរជាតិខ្លាញ់ឆ្អែត អាហារដែលមានជាតិខ្លាញ់ឆ្អែតខ្ពស់រួមមាន អាហារចៀន ការ៉េមជាដើម។ កុមារធាត់ក៏ប្រឈមនឹងការវិវត្តទៅជាខ្លាញ់រុំថ្លើមតាំងពីវ័យជំទង់ផងដែរ។ ដូច្នេះត្រូវប្រយ័ត្នពេលញ៉ាំអាហារចៀន បង្អែម និងកុំញ៉ាំច្រើនពេក។ លើសពីនេះ ឥរិយាបថក្នុងជីវិតមានសភាពទ្រុឌទ្រោម កម្រធ្វើលំហាត់ប្រាណ វាបង្កើនហានិភ័យនៃជាតិខ្លាញ់ថ្លើមផងដែរ។

រោគសញ្ញានៃខ្លាញ់រុំថ្លើម

អ្នកជំងឺភាគច្រើនដែលមានជាតិខ្លាញ់រុំថ្លើមមិនមានរោគសញ្ញាច្បាស់លាស់ទេ។ ជារឿយៗជួបប្រទះដោយចៃដន្យក្នុងអំឡុងពេលពិនិត្យរាងកាយប្រចាំឆ្នាំ។ ប៉ុន្តែក្នុងករណីខ្លះ វាអាចនឹងងាយនឹងនឿយហត់ ឬការឈឺចាប់តឹងនៅក្រោមឆ្អឹងជំនីខាងស្តាំ លើកលែងតែការធាត់ ដែលធាត់ជាមួយនឹងក្បាលពោះ ហើយប្រសិនបើអ្នកជំងឺមានជំងឺក្រិនថ្លើម លក្ខណៈនៃជំងឺថ្លើមរ៉ាំរ៉ៃក៏អាចត្រូវបានរកឃើញផងដែរ។

វិធីការពារ និងថែរក្សាខ្លួនអ្នក ប្រសិនបើមានជំងឺខ្លាញ់រុំថ្លើម

-ស្រកទម្ងន់ មនុស្សភាគច្រើនដែលមានថ្លើមខ្លាញ់គឺលើសទម្ងន់ឬធាត់ ការស្រាវជ្រាវបានបង្ហាញថា ការសម្រកទម្ងន់ ១០% អាចកាត់បន្ថយបរិមាណខ្លាញ់ក្នុងថ្លើម។

-កាត់បន្ថយការទទួលទានកាបូអ៊ីដ្រាត

កាត់បន្ថយបរិមាណអាហារដែលមានជាតិកាបូអ៊ីដ្រាត ដូចជាអង្ករ និងគុយទាវ រួមទាំងអាហារផ្អែម និងភេសជ្ជៈមានជាតិស្ករខ្ពស់។ ដោយជ្រើសរើសទទួលទានកាបូអ៊ីដ្រាតស្មុគ្រស្មាញដូចជាអង្ករសំរូប នំបុ័ងស្រូវសាលីហើយក្នុងអាហារ ១ ទៅជាកាបូអ៊ីដ្រាត ០% បន្លែ និងប្រូតេអ៊ីន ៥០%៕

ប្រែសម្រួល៖ សាង ស្រីល័ក្ខ

ចុចអាន៖ញ៉ាំបន្លែប៉ុន្មានទើបគ្រប់គ្រាន់សម្រាប់រាងកាយ តើវាពិតជាអាចជួយការពារជំងឺបានដែរឬទេ?

Related Topics:ការថែទាំសុខភាព ជំងឺខ្លាញ់រុំថ្លើម

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា