ព័ត៌មានជាតិ

កម្មករពីរនាក់តស៊ូដល់ស្លាប់ខ្លួន ដោយសារខំរត់ចូលយកអីវ៉ាន់ពេលភ្លើងកំពុងឆេះ

បានផុស

៥ years មុន

នៅ

ថ្ងៃសុក្រ ២៩ មករា ២០២១

ដោយ

រហូតមកដល់ព្រឹកថ្ងៃទី២៩ ខែមករា នេះកម្លាំងសមត្ថកិច្ចបានរកឃើញសពកម្មករឃ្លាំងពីរនាក់ ត្រូវបានភ្លើងឆេះស្លាប់នៅក្នុងគំនរផេះ។ ព័ត៌មានបានបញ្ជាក់ថា កម្មករដែលស្លាប់ជាមនុស្សប្រុសពីរនាក់ ដែលបានរត់ចូលយកអីវ៉ាន់ពេលភ្លើងកំពុងឆេះកាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរំលឹកថា កាលពីវេលាម៉ោង១រំលងអាធ្រាត្រ ឈានចូលថ្ងៃទី២៩ ខែមករា អគ្គិភ័យបានឆាបឆេះឃ្លាំងទំនិញមួយកន្លែង ស្ថិតនៅតាមបណ្ដោយផ្លូវ៣៥៨ ភូមិ៤ សង្កាត់ទួលស្វាយព្រៃ១ ខណ្ឌបឹងកេងកង និងបានឆេះរាលដាលដល់ផ្ទះប្រជាពលរដ្ឋពីរល្វែងថែមទៀត សរុបទឹកប្រាក់អស់ខ្ទង់ម៉ឺនដុល្លារ។ កម្លាំងសមត្ថកិច្ចជំនាញកំពុងយកគ្រឿងចាក់ ដើម្បីកាយគំនរផេះ និងបន្តបាញ់ទឹកពន្លត់ថែមទៀត ព្រោះស្ថានភាពនៅតែបន្តឆេះដដែល។

ពលរដ្ឋរស់នៅក្បែរកន្លែងកើតហេតុ បានឱ្យដឹងថា មុនពេលកើតហេតុ ពួកគាត់បានឮសំឡេងផ្ទុះ ចេញពីឃ្លាំងខាងលើ ហើយស្រាប់តែមានផ្សែងនិងអណ្ដាតភ្លើងឆេះ សន្ធោសន្ធៅឡើង ផ្អើលដល់បងប្អូនប្រជាពលរដ្ឋ ក៏ដូចជាសមត្ថកិច្ចមូលដ្ឋាន និង ខាងរថយន្តពន្លត់អគ្គីភ័យ គ្រប់អង្គភាព ចេញអន្តរាគមន៍ បាញ់ពន្លត់យ៉ាងញាប់ដៃញាប់ជើង តែភ្លើងនៅតែបន្តឆេះរាល់ដាលទៅដល់បងប្អូនប្រជាពលរដ្ឋដែលនៅជាប់នោះអស់ចំនួន២ល្វែងបន្តទៀត។

នៅព្រឹកនេះ កម្លាំងពន្លត់អគ្គីភ័យ នៅតែបន្តបាញ់ពន្លត់ ដោយប្រើប្រាស់រថយន្ត មកពីអង្គភាពផ្សេងៗគ្នាសហការគ្នាបាញ់ពន្លត់ និងមិនទាន់សន្និដ្ឋានមូលហេតុនៃអគ្គិភ័យនេះនៅឡើយ៕

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា