ព័ត៌មានអន្ដរជាតិ
អាមេរិក បញ្ជូនទ័ព ៣០០០នាក់ទៅមជ្ឈិមបូព៌ា ដើម្បីកំញើញ អ៊ីរ៉ង់
យោធាអាមេរិក បានដាក់ពង្រាយទាហានរាប់ពាន់នាក់ និងសព្វាវុធកងទ័ពជើងទឹកបន្ថែមទៅកាន់តំបន់មជ្ឈិមបូព៌ា ដោយសង្កត់ធ្ងន់លើតម្រូវការដើម្បីកំញើញកងកម្លាំងអ៊ីរ៉ង់ ក្រោយចោទប្រកាន់ទីក្រុងតេហេរ៉ង់ ពីការយាយីនាវាពាណិជ្ជកម្ម និងសកម្មភាពបង្កអស្ថិរភាពផ្សេងទៀត។
កងនាវាចរទី៥របស់កងទ័ពជើងទឹកអាមេរិក បានប្រកាសពីការសម្រេចចិត្តនេះ កាលពីថ្ងៃចន្ទទី៧ខែសីហា ដោយកត់សម្គាល់ថា ទាហានម៉ារីននិងនាវិកជាង៣០០០នាក់ បានទៅដល់សមុទ្រក្រហមតាមនាវាចម្បាំង។
អ្នកនាំពាក្យកងនាវាទី៥ លោក Tim Hawkins បានប្រាប់ The Hill ថា “អង្គភាពទាំងនេះ នឹងបន្ថែមកម្លាំងនិងសមត្ថភាពប្រតិបត្តិការសំខាន់ៗ នៅពេលដែលយើងធ្វើការជាមួយដៃគូអន្តរជាតិ ដើម្បីទប់ស្កាត់សកម្មភាពអស្ថិរភាព និងកាត់បន្ថយភាពតានតឹងក្នុងតំបន់ដែលបណ្តាលមកពីការយាយីនិងការរឹបអូសនាវាជំនួញដោយអ៊ីរ៉ង់កាលពីដើមឆ្នាំនេះ”។
កងទ័ពជើងទឹកបន្ថែមថា នាវាចម្បាំង USS Bataan ដែលត្រូវបានបញ្ជូនទៅ ក៏មានផ្ទុកសព្វាវុធដែនអាកាសបន្ថែមផងដែរ។
យោងតាមទីបញ្ជាការកណ្តាលរបស់សហរដ្ឋអាមេរិក, រដ្ឋមន្ត្រីការពារជាតិលោក Lloyd Austin បានបញ្ជាឲ្យចាត់វិធានការនៅក្នុងខែកក្កដា ដើម្បីឆ្លើយតបទៅការប៉ុនប៉ងរបស់អ៊ីរ៉ង់ ដែលរឹបអូសកប៉ាល់ពាណិជ្ជកម្មនៅក្នុងតំបន់។
ថ្វីបើទីក្រុងវ៉ាស៊ីនតោន បានចោទសាធារណរដ្ឋឥស្លាម ម្តងហើយម្តងទៀតពីការរឹបអូសបែបនេះចាប់តាំងពីឆ្នាំ២០១៩មកក៏ដោយ ប៉ុន្តែមានការចោទប្រកាន់កាន់តែខ្លាំងៗ ក្នុងរយៈពេលប៉ុន្មានខែចុងក្រោយ ដោយមន្ទីរបញ្ចកោណបានប្រកាសពីការដាក់ពង្រាយថ្មីជាច្រើននៅពេលនោះ។
កាលពីពាក់កណ្តាលខែកក្កដា ក្រសួងការពារជាតិប្រកាសថា ខ្លួននឹងបញ្ជូនយន្តហោះចម្បាំង F-35 និង F-16 ទៅកាន់មជ្ឈិមបូព៌ា រួមជាមួយនឹងនាវាពិឃាដនាំផ្លូវមីស៊ីល ដើម្បីការពារផលប្រយោជន៍សហរដ្ឋអាមេរិក និងការពារសេរីភាពនៃការធ្វើនាវាចរណ៍ នៅក្នុង ច្រកសមុទ្រ Hormuz៕
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ដាក់ទណ្ឌកម្មក្រុមហ៊ុន អ៊ីរ៉ង់ ចំពោះការផ្ដល់យន្តហោះដ្រូនឲ្យ រុស្ស៊ី ប្រើនៅ អ៊ុយក្រែន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៦ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ