ព័ត៌មានអន្ដរជាតិ
មនុស្សស្លាប់ដោយសារភ្លើងឆេះព្រៃនៅ ហាវ៉ៃ កើនដល់ជិត ១០០នាក់
គិតត្រឹមព្រឹកថ្ងៃចន្ទទី១៤ខែសីហា មនុស្សចំនួន៩៣នាក់ ត្រូវបានបញ្ជាក់ថាស្លាប់ ដោយសារអគ្គិភ័យនៅលើកោះ Maui ដែលបានលេបត្របាក់ទីក្រុងប្រវត្តិសាស្ត្រ Lahaina ហើយក្លាយជាភ្លើងឆេះដ៏សាហាវបំផុតក្នុងសហរដ្ឋអាមេរិក នារយៈពេលមួយសតវត្សរ៍ចុងក្រោយនេះ។
ទោះបីជាយ៉ាងណាក៏ដោយ អភិបាលរដ្ឋហាវ៉ៃ លោក Josh Green បានព្រមានកាលពីថ្ងៃអាទិត្យថា ចំនួនអ្នកស្លាប់ អាចកើនឡើងច្រើនទៀត ខណៈការងារធ្វើកោសល្យវិច្ច័យនៅតែបន្ត ដើម្បីកំណត់អត្តសញ្ញាណជនរងគ្រោះ។
ស្របពេលជាមួយគ្នានោះ មនុស្សរាប់រយនាក់នៅតែបាត់ខ្លួន ហើយរាប់ពាន់នាក់ផ្សេងទៀតបានចូលជ្រកកោនតាមជម្រកសុវត្ថិភាពនៅទូទាំងកោះ Maui។
ទន្ទឹមនេះ គេនៅតែមិនទាន់ច្បាស់ថាតើ ប្រព័ន្ធប្រកាសអាសន្នត្រូវបានប្រើប្រាស់ ឬថាតើវាដំណើរការខុសប្រក្រតីមែនឬអត់ ព្រោះមនុស្សជាច្រើនបានប្រាប់ BBC ថា ពួកគេមិនទទួលបានការជូនដំណឹងជាមុន អំពីអគ្គិភ័យនោះទេ។
ថ្វីបើឥឡូវ អាជ្ញាធរអាចគ្រប់គ្រងភ្លើងឆេះព្រៃបានភាគច្រើនក៏ដោយ ប៉ុន្តែកិច្ចខិតខំប្រឹងប្រែងដើម្បីពន្លត់អគ្គិភ័យឲ្យបានទាំងស្រុង កំពុងបន្តនៅផ្នែកខ្លះនៃកោះ រួមទាំងជុំវិញទីក្រុង Lahaina ដែលត្រូវបានកម្ទេចខ្ទេចគ្មានសល់ផងដែរ៕
ប្រែសម្រួល៖ Vann Vann
ប្រភព៖ BBC
ចុចអាន៖ វីដេអូរន្ធត់ បង្ហាញឲ្យឃើញ មនុស្សនាំគ្នាចុះទឹក ដើម្បីគេចពីភ្លើងឆេះព្រៃដ៏សាហាវ នៅ ហាវ៉ៃ
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
សេចក្ដីជូនដំណឹង១ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ៤ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៤ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៣ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ