ព័ត៌មានអន្ដរជាតិ

ភ្លើងឆេះឧទ្យានជាតិអាមេរិក ជាង ១៧ ០០០ហិកតា ដែលជាជម្រកសត្វព្រៃកម្រ

បានផុស

២ ខែ មុន

នៅ

ថ្ងៃព្រហស្បតិ៍ ២១ ឧសភា ២០២៦

ដោយ

ភ្លើងឆេះព្រៃដ៏ធំមួយ បានលេបត្របាក់ផ្ទៃដីជិតមួយភាគបីនៃកោះ Santa Rosa ក្នុងឧទ្យានជាតិ Channel Islands នៃរដ្ឋកាលីហ្វ័រញ៉ា សហរដ្ឋអាមេរិក ដែលជាតំបន់មានរុក្ខជាតិនិងសត្វកម្ររាប់សិបប្រភេទ។

យោងតាមសារព័ត៌មាន CNN ផ្សាយថ្ងៃទី២១ ខែឧសភា ឆ្នាំ២០២៦ ភ្លើងឆេះព្រៃនេះ បានកើតឡើងកាលថ្ងៃសុក្រ កើនឡើងដល់ជិត ១៧ ០០០ហិកតា គិតត្រឹមល្ងាចថ្ងៃអង្គារ ធ្វើឱ្យក្លាយជាភ្លើងឆេះព្រៃដ៏ធំបំផុតក្នុងរដ្ឋនេះនៅឆ្នាំនេះ។ នេះបើយោងតាមនាយកដ្ឋានព្រៃឈើនិងការពារអគ្គិភ័យរដ្ឋកាលីហ្វ័រញ៉ា។

ឧទ្យានជាតិ Channel Islands ។ រូបភាព៖ AFP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មកទល់ពេលនេះ ឆ្លើងឆេះត្រូវបានគ្រប់គ្រង ២៦% ហើយ។

យោងតាមនាយកដ្ឋានពន្លត់អគ្គិភ័យស្រុក Santa Barbara ភ្លើងបានឆក់យករចនាសម្ព័ន្ធប្រវត្តិសាស្ត្រចំនួនពីរ នៅលើកោះនេះរួចហើយ និងបង្ខំឱ្យមានការជម្លៀសបុគ្គលិកឧទ្យានជាតិចំនួន ១១នាក់ កាលពីថ្ងៃអាទិត្យ។

មិនតែប៉ុណ្ណោះ កោះនេះក៏ត្រូវបានបិទសម្រាប់ភ្ញៀវទេសចរផងដែរ។

យោងតាមសេវាឧទ្យានជាតិ ភ្លើងក៏បានរាលដាលពាសពេញព្រៃដើមស្រល់ Torrey Pine វាជាប្រភេទដើមស្រល់ដ៏កម្រនិងជិតផុតពូជ។

គួរបញ្ជាក់ថា ឧទ្យាន Channel ត្រូវបានគេពិពណ៌នាថាស្រដៀងនឹងឧទ្យាន Galápagos នៅអាមេរិកខាងត្បូង ដោយភាពប្លែករបស់ពួកវាអនុញ្ញាតឱ្យមានការវិវត្តនៃប្រភេទសត្វតែមួយគត់។

យោងតាមមន្រ្តីឧទ្យាន កោះ Santa Rosa តែមួយគឺជាជម្រករបស់រុក្ខជាតិ និងសត្វដែលមានតែនៅក្នុងស្រុក ឬប្រហែល ៤៦ក្បាល។

មន្ត្រីម្នាក់លើកឡើងថា ភ្លើងឆេះព្រៃនេះបង្កឡើងដោយមនុស្ស ប៉ុន្តែវាកំពុងស្ថិតក្រោមការស៊ើបអង្កេត។

អ្នកនាំពាក្យរបស់ឆ្មាំសមុទ្រស្រុកនិរតី Kenneth Wiese ប្រាប់ CNN ថា ការស៊ើបអង្កេតកំពុងត្រូវបានដោះស្រាយដោយអ្នកធ្វើការនៅឧទ្យានជាតិ៕

សម្រួល៖ ណឺ មិនា