សុខភាព

យល់ដឹងពី រោគសញ្ញា និងមូលហេតុ ដែលបង្កជាជំងឺមហារីកថ្លើម

បានផុស

៥ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

១. អ្វីទៅជាជំងឺមហារីកថ្លើម?

ជំងឺមហារីកថ្លើម ជាជំងឺដែលកើតឡើងដោយការលូតលាស់ខុសប្រក្រតីនៃកោសិកាថ្លើម។ វាអាចផ្តើមចេញពីសាច់ថ្លើមខ្លួនឯង ឬមួយពីការឆ្លងរាលដាលពីសរីរៈដទៃ (Métastase)។

ជំងឺមហារីកថ្លើមមានច្រើនប្រភេទ ប្រភេទដែលយើងជួបប្រទះញឹកញាប់ជាងគេ គឺជាពួកប្រភេទមហារីកដែលកើតលើអ្នក ដែលមានជំងឺក្រិនថ្លើម ដែលគេឲ្យឈ្មោះថា CHC (Carcinome Hépato-Cellulaire) ប្រភេទផ្សេងទៀតគឺកម្រជួប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. តើជំងឺមហារីកថ្លើមមានរោគសញ្ញាអ្វីខ្លះ?

រោគសញ្ញានៃជំងឺមហារីកថ្លើមមានដូចជា៖

– ឈឺពោះ

– អស់កម្លាំង មិនសូវឃ្លាន ស្លេកស្លាំង ស្រកទម្ងន់

– មានដុំ ដោយស្ទាបប៉ះនៅពោះ

៣. មូលហេតុអ្វីខ្លះ ដែលបង្កជាជំងឺមហារីកថ្លើម?

កត្តាមួយចំនួន ដែលជាមូលហេតុបង្កជាជំងឺមហារីកថ្លើមមាន៖

– ពិសាស្រា និងបារី ដែលបង្កឲ្យក្រិនថ្លើម

– ជំងឺរលាកថ្លើម បេ និង សេ (B, C)

– ជំងឺទឹកនោមផ្អែម បារ៉ាស៊ីត ថ្នាំពន្យារកំណើត

– វិទ្យុសកម្ម

– សារធាតុគីមីមួយចំនួន

– ការសាយភាយពីសរីរាង្គដទៃ

ជាទូទៅជំងឺមហារីកថ្លើម ច្រើនកើតឡើងដោយស្ងៀមស្ងាត់ ហេតុដូចនេះត្រូវគប្បីតាមដានសុខភាពជាប្រចាំ និងពិគ្រោះយោបល់ជាមួយវេជ្ជបណ្ឌិតឯកទេសនៃមន្ទីរពេទ្យកាល់ម៉ែត ដើម្បីធ្វើរោគវិនិច្ឆ័យ និងព្យាបាលឲ្យបានទាន់ពេលវេលា ប្រកបដោយប្រសិទ្ធភាព៕

អត្ថបទ៖ រស្មី

សូមចុចអាន៖ បើមិនចង់កើតជំងឺ៣មុខនេះ ត្រូវឈប់ផឹកទឹកសុទ្ធដបជ័រត្រូវកម្តៅថ្ងៃភ្លាម