ព័ត៌មានជាតិ

កំពុងបើកឡានចែកចាយនំក្លែងក្លាយតាមផ្លូវជាតិ ចាប់បានទាំងរថយន្ត និងមនុស្ស បញ្ជូនទៅស្នងការ

បានផុស

៥ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

នំក្លែងក្លាយជិត៤០០កេះ និងមនុស្ស២នាក់ត្រូវបានកម្លាំងសមត្ថកិច្ច នៃនាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ សហការជាមួយសមត្ថកិច្ចនគរបាលខេត្តតាកែវ ធ្វើការចុះបង្ក្រាបនៅចំណុចផ្លូវជាតិលេខ២ ស្ថិតនៅក្នុងសង្កាត់រកាក្រៅ ក្រុងដូនកែវ ពេលដែលកំពុងតែធ្វើសកម្មភាពចែកចាយ។

ប្រតិបត្តិការបង្ក្រាបនំក្លែងក្លាយនេះ ធ្វើឡើងនៅរសៀលទី៣ ខែកុម្ភៈ ឆ្នាំ២០២១ ដែលដឹកនាំដោយលោក ម៉ាត់ យូសុះ ប្រធានការិយាល័យប្រឆាំងបទល្មើសកម្មសិទ្ធបញ្ញានៃនាយកដ្ឋានប្រឆាំងបទល្មើសសេដ្ឋកិច្ចនិងសមត្ថកិច្ចខេត្តតាកែវ ក្រោមការដឹកនាំសម្របសម្រួលបញ្ជាផ្ទាល់ពីលោក ទេព មនិន្ទ ព្រះរាជអាជ្ញារង អមសាលាដំបូងខេត្តតាកែវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ាត់ យូសុះ បានថ្លែងឲ្យដឹងបន្ទាប់ពីមានពាក្យបណ្ដឹងពីក្រុមហ៊ុនហេង ឌេរី ឌីស្ទ្រីប្យ៊ូធ័រ សមត្ថកិច្ចនាយកដ្ឋានប្រឆាំងបទល្មើសក្រសួងមហាផ្ទៃសហការជាមួយសមត្ថកិច្ចខេត្តតាកែវ បានចុះស្ទាក់ចាប់រថយន្តសាំយ៉ុងពាក់ស្លាកលេខកំពត2A 1349 និងអ្នកបើកបរឈ្មោះ ចេន ស៊ីមុន ភេទប្រុសអាយុ៤៥ឆ្នាំ និងអ្នករួមដំណើរឈ្មោះ ជុំ សុរី ភេទស្រីអាយុ៣២ឆ្នាំ បញ្ជូនមកស្នងការដ្ឋាននគរ បាលខេត្តតាកែវដើម្បីត្រួតពិនិត្យបន្ត។

លោកប្រធានការិយាល័យប្រឆាំងបទល្មើសកម្មសិទ្ធិបញ្ញាបានបន្តថា ក្រោយការត្រួតពិនិត្យសមត្ថកិច្ចបានរកឃើញសម្ភារៈរួមមាននំម៉ាកnabati ចំនួន៣៨០កេះ ហើយបើតាមការអះអាងរបស់តំណាងក្រុមហ៊ុន នំទាំងអស់ខាងលើជាទំនិញខុសច្បាប់ ពោលគឺពុំមែនជាទំនិញដែលនាំចេញពីក្រុមហ៊ុនឡើយ ដូច្នេះសមត្ថកិច្ចបានសម្រេចឃាត់រថយន្តនិងសម្ភារៈខាងលើរក្សាទុកជាបណ្ដោះអាសន្ននៅស្នងការដ្ឋាននគរបាលខេត្តតាកែវ និងសាកសួរបំភ្លឺពីអ្នកបើកបរ ដើម្បីបន្តនីតិវិធីតាមការសម្រេចរបស់លោកព្រះរាជអាជ្ញារង៕

អត្ថបទ ៖ វីរៈ

Related Topics:ទំនិញក្លែងក្លាយ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា