ព័ត៌មានអន្ដរជាតិ
ឥស្សរជនក្រុមហាម៉ាស់២នាក់ ត្រូវអ៊ីស្រាអែលសម្លាប់ ក្នុងនោះមានម្នាក់ ជារដ្ឋមន្ត្រីសេដ្ឋកិច្ច
កងកម្លាំងការពារអ៊ីស្រាអែល (IDF) បាននិយាយនៅក្នុងសេចក្តីថ្លែងការណ៍មួយកាលពីយប់ថ្ងៃអង្គារទី១០ខែតុលាថា រដ្ឋមន្ត្រីក្រសួងសេដ្ឋកិច្ចរបស់ក្រុមហាម៉ាស់ និងសមាជិកការិយាល័យនយោបាយជាន់ខ្ពស់ម្នាក់ទៀត ត្រូវបានសម្លាប់ដោយកងកម្លាំងអ៊ីស្រាអែល។ ការស្លាប់របស់ពួកគេត្រូវបានរាយការណ៍ភ្លាមៗបន្ទាប់ពី IDF បើកការវាយប្រហារតាមអាកាសជាង១០០លើក លើតំបន់ហ្គាហ្សា។
![](https://www.kampucheathmey.com/wp-content/uploads/2023/10/image-736-1024x576.png)
ក្រោយមក ក្រុមហាម៉ាស់ ក៏បានបញ្ជាក់ពីការស្លាប់របស់បុរសទាំងពីរនាក់នេះផងដែរ នៅលើគេហទំព័រផ្លូវការរបស់ខ្លួន។
លោក Jawad Abu Shamala បានបម្រើការជារដ្ឋមន្ត្រីសេដ្ឋកិច្ចនៅក្នុងក្រុមនយោបាយរបស់ ហាម៉ាស់ ខណៈលោក Zakaria Abu Ma’amr ត្រូវបាន IDF អះអាងថា ជាជំនិតរបស់មេដឹកនាំក្រុមនៅហ្គាហ្សា ឈ្មោះ Yahya Sinwar។
លោក Abu Shamala ជាអ្នកទទួលខុសត្រូវចំពោះការផ្តល់ហិរញ្ញប្បទាន និងដឹកនាំអំពើភេរវកម្ម ខណៈលោក Abu Ma’amr បានចូលរួមនៅក្នុងការសម្រេចចិត្តរបស់អង្គការ និងរៀបចំផែនការធ្វើសកម្មភាពជាច្រើន ប្រឆាំងសន្តិសុខនៃរដ្ឋអ៊ីស្រាអែល។
![](https://www.kampucheathmey.com/wp-content/uploads/2023/10/image-737.png)
យន្តហោះចម្បាំងរបស់អ៊ីស្រាអែល បាននិងកំពុងទម្លាក់គ្រាប់បែកលើតំបន់ហ្គាហ្សា ដែលមានប្រជាជនរស់នៅច្រើនកុះករ ចាប់តាំងពីថ្ងៃសៅរ៍មក ខណៈគោលដៅចំនួន២៥០ ត្រូវបានវាយប្រហារនៅក្នុងសង្កាត់ al-Furkan នៃទីក្រុង ហ្គាហ្សា ចន្លោះថ្ងៃចន្ទនិងថ្ងៃអង្គារ។
IDF ចាត់ទុកសង្កាត់នេះថាជា “សម្បុកភេរវកម្ម” ហើយនាយករដ្ឋមន្ត្រីអ៊ីស្រាអែល លោកBenjamin Netanyahu បានប្តេជ្ញាថា ការវាយប្រហារតាមអាកាសនឹងបន្តដោយពេញទំហឹង។
យោងតាមតួលេខចុងក្រោយបំផុត, ចំនួនមនុស្សស្លាប់នៅខាងអ៊ីស្រាអែលមានជាង១០០០នាក់ និងរបួសជាង២៨០០នាក់ ខណៈខាងប៉ាឡេស្ទីន មានមនុស្សស្លាប់ជាង៩០០នាក់ និងរបួស៤៥០០នាក់៕
ប្រែសម្រួល៖ Vann Vann
ប្រភព៖ RT
ចុចអាន៖ ក្រុមហាម៉ាស់ គំរាម មិនដោះលែងចំណាប់ខ្មាំងឡើយ រហូតដល់ចប់សង្គ្រាម
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៥ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ