សង្គ្រាមអ៊ីស្រាអែល-ប៉ាឡេស្ទីន៖ ពលរដ្ឋថៃ ស្លាប់កើនដល់២០នាក់ ខណៈអាមេរិក កើនដល់ ២២នាក់

ក្រសួងការបរទេសថៃ បានបញ្ជាក់ថា ជនជាតិថៃ ២នាក់ទៀតត្រូវបាត់បង់ជីវិតនៅក្នុងប្រទេសអ៊ីស្រាអែល ដោយនាំឲ្យចំនួនពលរដ្ឋថៃស្លាប់សរុបនៅទីនោះ កើនដល់២០នាក់ ខណៈមួយចំនួនទៀតត្រូវរបួស និងចាប់ជាចំណាប់ខ្មាំង។

លោកស្រី Kanchana Patarachoke អគ្គនាយក នៃនាយកដ្ឋានព័ត៌មានរបស់ក្រសួង បានបញ្ជាក់ថា កម្មករថៃ ២នាក់ ត្រូវបានសម្លាប់ក្នុងការវាយប្រហារដោយគ្រាប់រ៉ុកកែត។

ដោយឡែកចំពោះអាមេរិកវិញ អ្នកនាំពាក្យសេតវិមានលោកស្រី Karine Jean-Pierre បានប្រាប់អ្នកយកព័ត៌មាន កាលពីថ្ងៃពុធទី១១ខែតុលាថា ពលរដ្ឋរបស់ខ្លួនចំនួន២២នាក់ហើយ ត្រូវបានសម្លាប់ ខណៈ១៧នាក់ទៀត កំពុងបាត់ខ្លួន។

តួលេខចុងក្រោយបំផុតនេះ គឺកើនឡើងពីចំនួន ១៤ នាក់ ដែលប្រកាសដោយលោកប្រធានាធិបតី ចូ បៃដិន កាលពីប៉ុន្មានថ្ងៃមុន ។ ទោះបីជាយ៉ាងណាក៏ដោយ គេ​មិន​ច្បាស់ទេ​ថាតើ ​អ្នក​​ទាំង​អស់នោះ ​ស្លាប់​នៅ​អ៊ីស្រាអែល ឬ​​ក្នុង​ទឹកដី​ប៉ាឡេស្ទីន​ ៕

ប្រែសម្រួល៖ Vann Vann

ប្រភព៖ RT, Bangkok Post

ចុចអាន៖ លោក Netanyahu និងបក្សប្រឆាំងអ៊ីស្រាអែល ងាកមករួមដៃគ្នាកម្ចាត់សត្រូវ ក្នុងគ្រាប្រទេសមានសង្គ្រាម