ព័ត៌មានអន្ដរជាតិ
ជនឥស្លាមផ្ទុះការតវ៉ាប្រឆាំងនឹងអ៊ីស្រាអែលស្ទើរទូទាំងពិភពលោកក្នុងថ្ងៃជីហាដយប់មិញ
ថ្ងៃសុក្រ ទី១៣ ខែតុលា ជា«ទិវាជីហាដ» អ្នកកាន់សាសនាឥស្លាមជាច្រើនប្រទេសស្ទើរទូទាំងពិភពលោកបានចេញតវ៉ាប្រឆាំងនឹងការវាយប្រហាររបស់អ៉ីស្រាអែលលើតំបន់ហ្គាហ្សា បន្ទាប់ពីពួកគេបានធ្វើពិធីគោរពសាសនារួច។
ការតវ៉ាតាមដងផ្លូវទីប្រជុំជន និងទីក្រុងនានាតាមបណ្តាប្រទេសជាច្រើនបានធ្វើឡើង បន្ទាប់ពីអតីតមេដឹកនាំក្រុមហាម៉ាស់ លោក Khaled Meshaal បានទាមទារឱ្យជនមូស្លីមរាប់ពាន់នាក់ចេញដើរតាមដងផ្លូវដើម្បីធ្វើបាតុកម្មចំពេលជម្លោះកំពុងបន្ត។
នៅទីប្រជុំជន Amman ប្រទេសហ្ស៊កដានី ជាធម្មតាស្ងប់ស្ងាត់ ប៉ុន្តែយប់មិញ អ្នកគោរពបូជាមូស្លីមបានចេញមកតាមផ្លូវយ៉ាងច្រើនកុះករ។ នៅទីក្រុង Baghdad ប្រទេសលីបង់ ក្រុមមនុស្សចេញមកតវ៉ាពេញផ្លូវ ខណៈប្រទេសអារ៉ាប់ជាច្រើន មានប្រជាជនចេញតវ៉ាតាមទីប្រជុំជនពេលរសៀល។
នៅប្រទេសអ៉ីរ៉ង់ បង់ក្លាដែស និងម៉ាឡេស៊ី ក្រុមបាតុករបានដុតទង់ជាតិអ៉ីស្រាអែល និងអាមេរិក។ នៅទីក្រុង Beirut អ្នកគាំទ្រក្រុម Hezbollah រាប់ពាន់នាក់បានគ្រវីទង់ជាតិ Hezbollah និងប៉ាឡេស្ទីន ខណៈកំពុងដុតបំផ្លាញរូបភាពជនជាតិអ៉ីស្រាអែល។
នៅទីក្រុងប៊ែរឡាំង ដែលជាតំបន់មានជនភៀសខ្លួនប៉ាឡេស្ទីនដ៏ច្រើនបំផុតនៅខាងក្រៅមជ្ឈិមបូព៌ា ក្រុមបាតុករគាំទ្រប៉ាឡេស្ទីនបានប៉ះទង្គិចជាមួយកម្លាំងប៉ូលិស ខណៈមានបាតករម្នាក់បានរបួសបែកឈាមត្រូវបានដឹកនាំចេញពីទីលានក្នុងរដ្ឋធានីអាល្លឺម៉ង់។
មនុស្សរាប់ពាន់នាក់ទៀតបានប្រមូលផ្តុំគ្នានៅទីក្រុង Amman ប្រទេសហ្ស៊កដានីសម្រាប់បាតុកម្មមួយដើម្បីគាំទ្រប្រជាជនប៉ាឡេស្ទីនដោយពួកគេកាន់បដាដែលសរសេរថា «ការហែក្បួនជ័យជម្នះនឹងបន្ត សាមគ្គីភាពជាមួយប៉ាឡេស្ទីន» និង «ឈរជាមួយប៉ាឡេស្ទីនរំដោះប៉ាឡេស្ទីន»។
អ៉ីស្រាអែលបានចាប់ផ្តើមធ្វើ«ការវាយឆ្មក់ក្នុងស្រុក»នៅតំបន់ហ្គាហ្សា តាមការគ្រោងទុក ខណៈក្រុមហាម៉ាស់និយាយថា ការវាយប្រហារតាមអាកាសបានសម្លាប់មនុស្ស៧០នាក់ដែលពួកគេបានភៀសខ្លួនចេញពីទីក្រុង។
ការវាយវាយឆ្មក់នេះធ្វើឡើង ក្រោយអ៉ីស្រាអែលបានព្រមានកាលពីយប់ថ្ងៃព្រហស្បតិ៍ ដល់ពលរដ្ឋជាង១លាននាក់នៅភាគខាងជើង តំបន់ហ្គាហ្សា ឲ្យចាកចេញដោយទុកពេលឲ្យ២៤ម៉ោង៕
ប្រែសម្រួល៖ វីរបុត្រ
ប្រភព៖ Sky & Dailymail
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ