អាមេរិក ត្រៀមរួចជាស្រេច ដើម្បីចាត់វិធានការបន្ថែមទៀត ប្រឆាំងក្រុមសកម្មប្រយុទ្ធ ដែលមានទំនាក់ទំនងជាមួយអ៊ីរ៉ង់

ប្រធានាធិបតីអាមេរិក លោក ចូ បៃដិន និយាយថា សហរដ្ឋអាមេរិក បានត្រៀមខ្លួនរួចជាស្រេច ដើម្បីចាត់វិធានការបន្ថែមទៀត បន្ទាប់ពីការវាយប្រហារដោយក្រុមដែលមានទំនាក់ទំនងជាមួយអ៊ីរ៉ង់ ប្រឆាំងកងកម្លាំងអាមេរិក នៅក្នុងប្រទេសអ៊ីរ៉ាក់និងស៊ីរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអត្ថាធិប្បាយរបស់លោក បៃដិន ក្នុងលិខិតមួយផ្ញើជូនប្រធានសភាតំណាងរាស្រ្តលោក Mike Johnson បានកើតឡើង បន្ទាប់ពីយន្តហោះចម្បាំងអាមេរិក បើកការវាយប្រហារតាមអាកាស នៅភាគខាងកើតប្រទេសស៊ីរី នៅសប្តាហ៍នេះ។

ដោយឡែក មុននេះ លោក Johnson ក៏បានបង្ហោះនៅលើបណ្តាញសង្គម X ផងដែរថា លោកបាននិយាយតាមទូរស័ព្ទជាមួយនាយករដ្ឋមន្រ្តីអ៊ីស្រាអែល Benjamin Netanyahu។

លោក​បាន​បង្ហោះ​ថា “សភា​តំណាង​រាស្រ្តអាមេរិក ​ឈរ​នៅ​ជាមួយ​អ៊ីស្រាអែល ហើយ​ខ្ញុំ​បាន​បញ្ជាក់​ជា​ថ្មី​នូវ​ការ​គាំទ្រ​ដ៏​ខ្លាំង​ក្លាយរបស់​យើង”៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ីរ៉ង់ ព្រមានថា អាមេរិក នឹងមិនរួចខ្លួនឡើយ បើអ៊ីស្រាអែល ប្រព្រឹត្តអំពើប្រល័យពូជសាសន៍នៅ ប៉ាឡេស្ទីន