កីឡា
លោក Oleg៖ ភ្នំពេញក្រោនពិតជាសំណាងដែលមាន Shintaro ជាគំរូដល់ក្មេងៗ
លោក Oleg Starynskyi គ្រូបង្វឹកក្លិបបាល់ទាត់ភ្នំពេញក្រោនបានសរសើរខ្សែប្រយុទ្ធជប៉ុន Shintaro Shimizu ដែលបានក្លាយជាគំរូដ៏ល្អដល់កីឡាករក្មេងៗ និងជាសំណាងរបស់ក្លិបដែលមានរូបគេចូលរួមជាមួយក្នុងរដូវកាលនេះ។
ខ្សែប្រយុទ្ធជប៉ុន Shintaro Shimizu ជាសមាជិកដ៏សំខាន់សម្រាប់ភ្នំពេញក្រោនក្នុងការប្រកួតខេមបូឌានព្រីមៀរលីគ និងពានរង្វាន់ AFC Cup បន្ទាប់ពីរូបគេបានចូលរួមជាមួយកាលពីដើមរដូវកាលនេះ។ រូបគេជាកីឡាករកំពុងរកបានគ្រាប់បាល់ច្រើនជាងគេនៅវគ្គសន្សំពិន្ទុក្នុងពូលនៃពានរង្វាន់ AFC Cup ដោយរកបាន៦គ្រាប់ និងបានជួយភ្នំពេញក្រោនទទួលបានជ័យជម្នះ៥ក្នុងចំណោមការប្រកួត៦លើកគិតទាំងវគ្គជម្រុះ២លើក និងវគ្គសន្សំពិន្ទុ៤លើក។
លោក លោក Oleg បានលើកឡើងថា Shintaro ជាកីឡាករដែលមានគុណភាព និងបទពិសោធគ្រប់គ្រាន់។ រូបគេបានអភិវឌ្ឍខ្លួនក្លាយជាកីឡាករអាជីពតាំងពីកម្រិតយុវជននៅប្រទេសជប៉ុន និងធ្លាប់លេងនៅលីគទី២ និងលីគទី១របស់ជប៉ុន។
«យើងពិតជាមានសំណាងដែលបានគាត់ចូលរួមជាមួយក្រុមរដូវកាលនេះ។ គាត់ជាកីឡាករម្នាក់ដែលយល់ពីក្រុមហើយបានជំរុញឲ្យក្រុមរបស់យើងឈានឡើងមួយកម្រិតទៀត។ ពេលគាត់ចូលរួមដំបូង គាត់អត់ទាន់សម្របខ្លួនបានល្អទេ តែពេលខ្ញុំ និងក្រុមការងារណែនាំជាបន្តបន្ទាប់បានធ្វើឲ្យគាត់ចាប់ផ្តើមល្អប្រសើរជាលំដាប់»។ គ្រូបង្វឹកសញ្ជាតិអ៊ុយក្រែនបានលើកឡើង។
លោកបានបន្តថា ៖«ពេលយើងបានប្រាប់គាត់ពីអ្វីមួយ គាត់តែងតែធ្វើបាន ហើយធ្វើលើសពីអ្វីដែលយើងបានប្រាប់ថែមទៀត។ យើងបានប្រាប់គាត់ត្រឹម១០ តែគាត់ធ្វើរហូតដល់២០។ នេះជាចំណុចមួយដ៏សំខាន់ដែលធ្វើឲ្យក្មេងៗយកគំរូតាម។ ប្រសិនបើយើងស្រមៃមើល Shintaro, Yudai, Taka, Denilson ហ្វឹកហាត់នៅក្នុងក្រុមរបស់យើងជាមួយកីឡាករជម្រើសជាតិដូចជា ប៉ូលីន បារាំង ចាន់ចាវ ពិសុទ្ធ គឺធ្វើឲ្យក្រុមយើងកាន់តែប្រសើរ កាន់តែខ្លាំង»។
កីឡាករ Shintaro Shimizu ធ្លាប់លេងឲ្យក្លិប Omiya Ardija ពីឆ្នាំ២០១១ ដល់់២០១៣ នៅលីគកំពូលរបស់ជប៉ុន និងលេងក្លិបនេះដដែលពីឆ្នាំ២០១៥ដល់២០១៧ ក្នុងលីគកំពូលជប៉ុន ហើយឆ្នាំ២០១៨លេងក្លិបនេះក្នុងលីគទី២។ ឆ្នាំ២០២២ រូបគេបានចូលរួមជាមួយក្លិបថៃ Nakhon Ratchasima មុនពេលចូលរួមជាមួយភ្នំពេញក្រោននៅដើមរដូវកាល២០២៣៕
អត្ថបទ៖ វីរបុត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ