បើកអេស្កាវទ័រជាន់មីន​តោន​ របួស​ទាំង​គ្រូ​បង្រៀនកំពុង​ឈរ​មើល

ខេត្តឧត្ដរមានជ័យ៖ បុរសពីនាក់បានរងរបួសធ្ងន់ ខណ:បើកអេស្ការវទរ័កាយដីជាន់ចំមីនតោនសេសសល់កាលពីសម័យសង្ក្រាម។ ហេតុការណ៍នេះបានកើតឡើង នៅវេលាម៉ោង១៩,០០នាទី ថ្ងៃទី១៣ ខែកុម្ភះ ឆ្នាំ២០២១ ស្ថិតនៅភូមិលំទងចាស់ ឃុំលំទង ស្រុកអន្លង់វែងខេត្តឧត្ដរមានជ័យ។

សមត្ថកិច្ចបានអោយដឹងថា ករណី​អេស្កាវទ័រជាន់មីនតោន បណ្តាលអោយរងរបួសមនុស្សចំនួន០២នាក់ និងដាច់ច្រវ៉ាក់កង់អេស្កាកើត​ឡើង​នៅ​ ភូមិលំទងចាស់ ឃុំលំទង ស្រុកអន្លង់វែង ខេត្ត ឧត្តរមានជ័យ។ ជនរងគ្រោះ​ឈ្មោះ លេខ ឡី ភេទប្រុស អាយុ១៦ឆ្នាំ បច្ចុប្បន្នរស់នៅ ភូមិ រលំស្វាយ ឃុំជន្លាសដៃ ខេត្តសៀមរាប បានបើកអេស្កាជីកស្រះ អោយឈ្មោះ ស៊ុម តង ភេទប្រុស អាយុ៤២ឆ្នាំ មុខរបរ គ្រូបង្រៀន រស់នៅភូមិឃុំកើតហេតុ។

នៅខាងក្រោយផ្ទះចំងាយ១០០ម៉ែត្រ ស្រាប់តែអេស្កាជាន់មីនតោនបណ្តាលផ្ទុះ ដាច់កង់ច្រវ៉ាក់ ធ្វើអោយឈ្មោះ ស៊ុម តង ដែលកំពុងឈរមើលនៅទីនោះ រងរបួសធ្ងន់ត្រង់កំភួនដៃខាងស្តាំនិងត្រូវអំបែងតូចៗពេញខ្លួន ចំណែកអ្នកបើកអេស្ការងរបួសស្រាល ។

បច្ចប្បន្ន ជនរងគ្រោះទាំងពីរបានបញ្ជូនមកសម្រាកព្យាបាលនៅមន្ទីរពេទ្យបង្អែកស្រុកអន្លង់វែង៕

អត្ថបទ៖ ចាន់ ធី