តំណាងរាស្ត្រខេត្តព្រះវិហារ លោក មាស សុភា ត្រូវបានតែងតាំងជាឧត្តមប្រឹក្សាផ្ទាល់ព្រះមហាក្សត្រ

តំណាងរាស្ត្រមណ្ឌលខេត្តព្រះវិហារ លោក មាស សុភា ត្រូវបានតែងតាំងជាឧត្តមប្រឹក្សាផ្ទាល់ព្រះមហាក្សត្រ។ នេះបើតាមព្រះរាជក្រឹត្យរបស់ព្រះមហាក្សត្រនៃកម្ពុជា ចុះថ្ងៃទី២១ ខែមករា ឆ្នាំ២០២៤នេះ។

ព្រះរាជក្រឹត្យរបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានត្រាស់បង្គាប់តែងតាំងលោក មាស សុភា ជាឧត្តមប្រឹក្សាផ្ទាល់ព្រះមហាក្សត្រ មានឋានៈស្មើ ឧបនាយករដ្ឋមន្រ្តី។

បច្ចុប្បន្ននេះ លោក មាស សុភា មានតួនាទីជាសមាជិករដ្ឋសភាតំណាងរាស្ត្រមណ្ឌលខេត្តព្រះវិហារ នៃកូតាគណបក្សប្រជាជនកម្ពុជា ហើយលោក ក៏ជាសមាជិកគណៈអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា និងជាអតីតអគ្គមេបញ្ជាការរងកងយោធពលខេមរភូមិន្ទ អតីតមេបញ្ជាការកងទ័ពជើងគោក៕