តាមពិតតួប៉ាវចិនបាត់មុខពីវិស័យភាពយន្ត ដោយសារតែមានជំងឺប្រចាំកាយ

Jin Chao chun ដែលទស្សនិកជនជាច្រើនស្គាល់លោកតាមរយៈភាពយន្តចិនបុរាណ ក្រោមចំណងជើងថា Justice Pao ឬ តុលាការមុខដែក ក្នុងឆ្នាំ១៩៩៣ ដែលគិតមកដល់ពេលនេះរឿងប្រវត្តិសាស្រ្តមានរយៈពេលជាង៣១ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលកាន់តែចាប់អារម្មណ៍ខ្លាំងពីសំណាកទស្សនិកជននោះគឺ បន្ទាប់ពីលេចមុខក្នុងភាពយ​ន្ត Arbiter of Kaifeng Mystery ក្នុងឆ្នាំ២០១២ ដែលជារឿងចុងក្រោយ តារាជើងចា់សរូបនេះស្រាប់តែរសាត់ចេញពីប្រព័ន្ធ showbiz ភ្លាមៗដោយមិនដឹងមូលហេតុ។

ទោះយ៉ាងណាក៏ដោយ ក្រោយមកលោកបានប្តកាសងថាខ្លួនចូលនិវត្តន៍ពីការសម្តែង ដោយសារតែគាត់មានដុំសាច់ទំហំ ៩ សង់ទីម៉ែត្រនៅក្នុងក្បាលរបស់គាត់ ដែលប៉ះពាល់ដល់ជីវិតប្រចាំថ្ងៃយ៉ាងខ្លាំង។ ប៉ុន្តែ នៅទីបំផុតគាត់បានទទួលការវះកាត់ខួរក្បាលដើម្បីយកដុំសាច់ចេញ។ ចាប់​តាំង​ពី​ពេល​នោះ​មក Chao Chun បាន​រក្សាខ្លួនដោយបង្ហាញ​ម្ដងម្កាល​លើ​បណ្ដាញ​សង្គមតែប៉ុណ្ណោះ។

លើកចុងក្រោយដែលគាត់ត្រូវបានគេឃើញជាសាធារណៈគឺនៅឯពិធីបុណ្យសពរបស់នាយក Zheng Shaofeng ពេលនោះអ្នកគាំទ្រជាច្រើនបានសង្កេតឃើញថាតួប៉ាវចិនរូបនេះហាក់ដូចជាស្គមជាងមុន ហើយត្រូវការជំនួយពីឈើច្រត់ថែមទៀតផង។ មិនត្រឹមតែប៉ុណ្ណឹងនោះទេ​ នៅមានពាក្យចចាមអារ៉ាមជាច្រើនអំពីការស្លាប់របស់គាត់ ដែលជំរុញឲ្យតារាសម្តែងហុងកុង Kenny Ho ចេញមុខមកទម្លាយព័ត៌មានក្លែងក្លាយកាលពីឆ្នាំមុនដូចគ្នា។

ដោយឡែកកាលពីពេលថ្មីៗនេះ Chao Chun បានធ្វើឲ្យអ្នកគាំទ្រភ្ញាក់ផ្អើលនៅពេលដែលគាត់បានបង្ហាញខ្លួននៅក្នុងកម្មវិធី YouTube របស់ផលិតករហុងកុង Gary Yeung Xiao Hong Chui Shui Zhan ។ គាត់បានស្លៀកសំលៀកបំពាក់ និងការតុបតែងមុខជាតួអង្គប៉ាវចិនដែលជានិមិត្តរូបរបស់គាត់ ថែមទាំងបង្ហាញហត្ថលេខារបស់គាត់ឡើងវិញ Open the guillotine បន្ទាត់ពីរឿងភាគបុរាណមួយនេះកន្លងផុតទៅ៣១ឆ្នាំ៕

អត្ថបទ៖ សាង ស្រីល័ក្ខ

ចុចអាន៖Lee Soo Man នឹងលក់ភាគហ៊ុននៅសល់ពី SM ក្នុងតម្លៃ៧៨លានដុល្លារ ឲ្យទៅផលិតកម្ម HYBE