ព័ត៌មានអន្ដរជាតិ

ឥទ្ធិពលនៃការផាត់មុខ ប្រែក្លាយគូស្នេហ៍តារាកំប្លែងចិន មកមនុស្សផ្សេងគ្នា

បានផុស

២ years មុន

នៅ

ថ្ងៃអាទិត្យ ៣ មីនា ២០២៤

ដោយ

អ្នកលេងអ៊ីនធឺណិតស្រឡាំងកាំងនឹងការកែសម្ផស្សរបស់អ្នកផាត់មុខជនជាតិចិន ដែលបានតុបតែងមុខឲ្យតារាកំប្លែងវ័យ៥៧ឆ្នាំមួយរូបបានក្លាយជាបុរសសង្ហាវ័យក្មេង ខណៈភរិយារបស់គាត់ក៏ស្អាតសឹងចំណាំមិនស្គាល់ដូចគ្នាផងដែរ។

មែនទែនទៅរឿងរ៉ាវនេះបានកើតឡើងនាប៉ុន្មានថ្ងៃហើយ ខណៈពិភពអនឡាញចិនសម្រុកចូលរួមចែករំលែកស្នាដៃរបស់អ្នកផាត់មុខដ៏ល្បីម្នាក់ឈ្មោះ Tuzi ដែលមនុស្សជាច្រើនសរសើរនាង ហើយដាក់ឈ្មោះថា “អ្នកកែសម្ផស្សទេវតា”បន្ទាប់ពីនាងបានតុបតែងមុខលើមនុស្សជាច្រើន ហើយលទ្ធផលគឺអស្ចារ្យសឹងតែដូចទៅកែកុនមុខមាត់។

ជាក់ស្ដែងនេះ រូបភាពដែលល្បីជាងគេគឺតារាកំប្លែងជើងចាស់ Tang Jianjin អាយុ ៥៧ ឆ្នាំ បានប្រែក្លាយទៅជាតារាវ័យក្មេង ខណៈដែលប្រពន្ធគាត់ជាតារាអ៊ីនធឺណេតវ័យ៧២ឆ្នាំ បានប្រែក្លាយទៅជាព្រះនាងភ្នែកពណ៌ទង់ដែង មិនគួរឲ្យជឿដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Tuzi គឺជាវិចិត្រករតុបតែងមុខដ៏ល្បីម្នាក់ដែលមានឯកទេសខាងការតុបតែងមុខបែបយុវវ័យ។ នាងមានអ្នកតាមដាន ៥.៥ លាននាក់នៅលើវេទិកាអនឡាញរបស់ចិន Douyin ហើយនាងធ្វើការតុបតែងមុខបែបតារា រហូតបានបើកស្ទូឌីយ៉ូតុបតែងមុខមួយឈ្មោះថា Starlight Rabbit Portrait Studio នៅក្នុងខេត្តយូណាន។

យោងតាមរាយការណ៍ដោយការបង្ហោះវីដេអូឃ្លិបមួយដែលមានឈ្មោះថា Extreme Makeover 100 People Challenge នាងតែងតែធ្វើការផ្លាស់ប្តូរមនុស្សជាច្រើននៅលើបណ្តាញសង្គម ដែលបានទទួលការឆ្លើយតបល្អ រហូតធ្វើឲ្យនាងក្លាយជាអ្នកតុបតែងមុខដែលអ្នកលេងអ៊ីនធឺណិតចិនចង់បានថែមទៀតផង។

លើសពីនេះទៀត ការបង្រៀនតុបតែងមុខផ្ទាល់របស់ Tuzi ជាមធ្យមមានអ្នកមើល ១ លាននាក់ក្នុងមួយថ្ងៃ ជាមួយនឹងមនុស្សមករៀនបច្ចេកទេសផាត់មុខ និងមានអ្នកហាត់ការរាប់សិបនាក់ ហើយបន្ទាប់ពីអនុវត្តនូវជំនាញផាត់មុខ គឺស្រដៀងនឹង TuZi ខ្លាំងណាស់។

ទោះជាយ៉ាងណាក៏ដោយ ភាពល្បីល្បាញរបស់ Tuzi ត្រូវបានអមដោយការរិះគន់ ដូចជាស្ទីលតុបតែងខ្លួនបែបឯកោរបស់នាង។ ជំនួសឲ្យការផ្លាស់ប្តូររចនាប័ទ្មតាមតម្រូវការរបស់អតិថិជន ឬរិះគន់ថាថ្លៃពេក ជាមួយនឹងអត្រាសម្រាប់កញ្ចប់តុបតែងមុខ និងថតរូបចាប់ពី ៦៩៩ ទៅ ២,៨៨៨ យន់ក្នុងមួយវគ្គរបស់មនុស្សម្នាក់។ ប៉ុន្តែទោះបីជាមានការរិះគន់ និងការសរសើរចម្រុះក៏ដោយ ក៏ Tuzi បានពង្រីកស្ទូឌីយ៉ូតុបតែងមុខរបស់នាងដល់ ១៧ទីតាំងឯណោះ មកទល់បច្ចុប្បន្ន៕

អត្ថបទ៖ សាង ស្រីល័ក្ខ

ចុចអាន៖តារាសម្ដែងចិន Li Bingbing ជ្រើសរើសនៅលីវ ទោះឈានដល់វ័យ៥១ឆ្នាំ

Related Topics:ប្រទេសចិន រឿងរ៉ាវប្លែកៗ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា