ក្រោយទទួលស្គាល់មានទាហាន៤នាក់ស្លាប់ ពេលនេះចិន បញ្ចេញវីដេអូប្រយុទ្ធជាមួយឥណ្ឌា

ប្រទេសចិនបានបញ្ចេញឃ្លីបវីដេអូមួយ ដែលបង្ហាញពីការប៉ះទង្គិចនៅព្រំដែនជាមួយកងទ័ពឥណ្ឌាកាលពីខែមិថុនា បន្ទាប់ពីក្រុងប៉េកាំងទទួលស្គាល់ថា ទាហានរបស់ខ្លួនចំនួនបួននាក់ ត្រូវបានសម្លាប់ក្នុងការប្រយុទ្ធគ្នានៅលើជ្រលងភ្នំ។

វីដេអូដែលចាក់ផ្សាយដោយទូរទស្សន៍ CCTV របស់ទីក្រុងប៉េកាំង បានចាប់យកការប្រយុទ្ធគ្នាបង្ហូរឈាមរវាងកងកម្លាំងចិននិងឥណ្ឌា នៅជ្រលងភ្នំ Galwan ដែលបណ្តាលឲ្យទាហានឥណ្ឌា២០នាក់ស្លាប់។

ប៉ុស្តិ៍ផ្លូវការនេះបានអះអាងថា ឃ្លីបនេះបានបង្ហាញកងទ័ពឥណ្ឌា បានបើកការវាយប្រហារសងសឹកដោយហិង្សា បន្ទាប់ពីមេបញ្ជាការចិនម្នាក់ ព្យាយាមដោះស្រាយជម្លោះព្រំដែនរបស់ប្រទេសទាំងពីរតាមរយៈកិច្ចចរចាដោយសន្តិវិធី។

យោងតាមរបាយការណ៍ដែលផ្សាយដោយប៉ុស្តិ៍យោធា CCTV បានឲ្យដឹងថា “ការប្រយុទ្ធបានកើតឡើង បន្ទាប់ពីយោធាបរទេសបានរំលោភជាឯកច្ឆន្ទនូវការមូលមតិគ្នា ដែលបានឈានដល់ជាមួយយើង ហើយបានឆ្លងកាត់ព្រំដែនដោយសេរី ដែលជាហេតុធ្វើឲ្យយើងខឹងសម្បា”។

អ្នកនាំពាក្យក្រសួងការបរទេសចិនលោកស្រី Hua Chunying បាននិយាយថា ការប្រកាសដែលធ្វើឡើងក្នុងរយៈពេលជាង៦ខែបន្ទាប់ពីការប្រយុទ្ធគ្នាបង្ហូរឈាម គួរតែជួយដល់ទស្សនិកជនទូទាំងពិភពលោកឲ្យយល់ពីការពិតនិងអ្វីដែលត្រូវនិងខុសនៃឧប្បត្តិហេតុនេះ៕

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ទីបំផុត ចិន ដាច់ចិត្តទម្លាយតួលេខទាហានដែលស្លាប់ ក្នុងការប៉ះទង្គិចជាមួយឥណ្ឌានៅព្រំដែនជម្លោះ

ចុចអាន៖ កងទ័ពចិននិងឥណ្ឌា ប៉ះទង្គិចគ្នាជាថ្មីនៅព្រំដែន