ព័ត៌មានអន្ដរជាតិ

លោក ស៊ី ជីនពីង នឹងធ្វើដំណើរទស្សនកិច្ចផ្លូវរដ្ឋនៅប្រទេសអឺរ៉ុបចំនួន៣

បានផុស

១ year មុន

នៅ

ថ្ងៃព្រហស្បតិ៍ ២ ឧសភា ២០២៤

ដោយ

Chheang

ចាប់ពីថ្ងៃទី៥ ដល់ថ្ងៃទី១០ ខែឧសភា ឆ្នាំ២០២៤ មេដឹកនាំចិនលោក ស៊ី ជីនពីង នឹងធ្វើដំណើរទៅប្រទេសអឺរ៉ុបចំនួន៣ មានដូចជា បារាំង ស៊ែប៊ី និងហុងគ្រី ដើម្បីបំពេញទស្សនកិច្ចផ្លូវរដ្ឋ។ នេះបើយោងតាមការចុះផ្សាយរបស់សារព័ត៌មានចិន Xinhua កាលពីថ្ងៃទី២៩ ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំឡុងទស្សនកិច្ចនេះ លោក ស៊ី ជីនពីង នឹងចូលជួបពិភាក្សាការងារជាមួយលោក Emmanuel Macron ប្រធានាធិបតីបារាំង, លោក Aleksandar Vucic ប្រធានាធិបតីស៊ែប៊ី, លោក Tamas Sulyok ប្រធានាធិបតីហុងគ្រី និងលោក Viktor Orban នាយករដ្ឋមន្ត្រីហុងគ្រី។ ជំនួបនេះ នឹងផ្ដោតសំខាន់លើការផ្លាស់ប្ដូរទស្សនៈរបស់បណ្ដាប្រទេសដែលចូលរួម ទាក់ទិនទៅនឹងទំនាក់ទំនងទ្វេភាគីរវាងចិន និងសហភាពអឺរ៉ុប ព្រមទាំងបញ្ហាក្ដៅៗក្នុងតំបន់ ក៏ដូចជាបញ្ហាអន្តរជាតិផងដែរ។

លោក Lin Jian អ្នកនាំពាក្យនៃក្រសួងការបរទេសចិន បានឲ្យដឹងថា ដំណើរទស្សនកិច្ចនេះធ្វើឡើងស្របពេលខួប៦០ឆ្នាំនៃទំនាក់ទំនងការទូតចិន-បារាំង។ ចិននឹងចាត់ទុកឳកាសនេះជាការផ្សារភ្ជាប់ទំនុកចិត្តទ្វេភាគីលើផ្នែកនយោបាយ ពង្រឹងសាមគ្គីភាព និងកិច្ចសហប្រតិបត្តិការ ជំរុញភាពជាដៃគូយុទ្ធសាស្ត្រគ្រប់ជ្រុងជ្រោយចិន-បារាំងឲ្យឈានទៅដល់កម្រិតថ្មីមួយ និងបង្កើនការអភិវឌ្ឍរឹងមាំប្រកបដោយសុខុមាលភាពនៃទំនាក់ទំនងចិន-អឺរ៉ុប៕