ព័ត៌មានអន្ដរជាតិ
ម៉ាឡេស៊ី សួរនាំ Meta ចង់ដឹងមូលហេតុអ្វីបានលុបការបង្ហោះពីជំនួបជាមួយមេដឹកនាំហាម៉ាស
រដ្ឋាភិបាលម៉ាឡេស៊ី នឹងធ្វើការសួរនាំទៅកាន់ក្រុមហ៊ុន Meta ឲ្យពន្យល់ពីមូលហេតុលុបចោលការបង្ហោះនៅលើបណ្ដាញសង្គមហ្វេសប៊ុក ពាក់ព័ន្ធនឹងព័ត៌មានដែលលោក Anwar Ibrahim នាយករដ្ឋមន្ត្រីម៉ាឡេស៊ី បានជួបជាមួយមេដឹកនាំក្រុមហាម៉ាស។ នេះបើយោងតាមការចុះផ្សាយរបស់សារព័ត៌មាន The Straits Times នៅថ្ងៃទី១៥ ខែឧសភា។
លោក Anwar បានជួបជាមួយលោក Ismail Haniyeh នៅក្នុងប្រទេសកាតា កាលពីថ្ងៃទី១៤ ខែឧសភា ម្សិលមិញនេះ ហើយនិយាយថា លោកមានទំនាក់ទំនងល្អជាមួយមេដឹកនាំក្រុមហាម៉ាស តែមិនជាប់ទាក់ទិននឹងរឿងដោះដូរឧបករណ៍យោធាអ្វីឡើយ។ យ៉ាងណាមិញ ការបង្ហោះព័ត៌មានអំពីក្រុមសកម្មប្រយុទ្ធប៉ាឡេស្ទីននេះ ត្រូវបានក្រុមហ៊ុនហ្វេសប៊ុកធ្វើការលុបចោល។
អ្នកនាំពាក្យរដ្ឋាភិបាល និងរដ្ឋមន្ត្រីទំនាក់ទំនងម៉ាឡេស៊ីលោក Fahmi Fadzil បានសម្រេចដាក់ពាក្យបណ្ដឹងហើយ ដើម្បីប្រឆាំងនឹងហ្វេសប៊ុក ទៅកាន់និយ័តករទូរគមនាគមន៍នៅក្នុងប្រទេស។
បច្ចុប្បន្ន ក្រុមហ៊ុន Meta នៅមិនទាន់មានការឆ្លើយតបណាមួយនោះទេចំពោះការចោទសួរពីរដ្ឋាភិបាលម៉ាឡេស៊ី។
សូមបញ្ជាក់ថា កាលពីខែតុលា ឆ្នាំ២០២៣កន្លងទៅ លោក Fahmi ធ្លាប់បានព្រមានម្ដងរួចមកហើយ ដោយនឹងចាត់វិធានការក្ដៅប្រឆាំងនឹងក្រុមហ៊ុន Meta និងក្រុមហ៊ុន TikTok ដែលតែងតែរារាំងនូវមាតិកាគាំទ្រប៉ាឡេស្ទីននៅលើបណ្ដាញសង្គមរបស់ពួកគេ៕
ដោយ៖ ឈាង
-
ព័ត៌មានអន្ដរជាតិ៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៥ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព